PRO-7: Pabiling taas ang morale sa kapolisan sa Central Visayas
CEBU, Philippines — Pabiling taas ang morale sa kapolisan sa Central Visayas matud sa Police Regional Office (PRO)-7 kini bisan sa pamahayag ni Police Lieutenant Colonel Jovy Espinido nga ang PNP maoy pinakadako nga crime group sa Pilipinas.
Matud ni Police Lieutenant Colonel Gerard Ace Pelare, tigpamaba ni PRO-& nga nagpabiling taas ang morale sa kapolisan.
Ug ang pamatuod niini wala moundang ang kapolisan sa paghimo sa ilang trabaho.
Si Pelare nagkanayon nga naanad na sila nga adunay mga alegasyon nga ipasangil batok sa PNP ug giklaro niini nga dili sila apektado sa mga negatibong komento ug giisip nila kini nga constructive criticisms.
Sayo pa, nagpagawas og pamahayag ang PRO-7 kalabot sa gisulti ni Espinido diin ilaha kining gihulagway nga insulto sa police officers kinsa tarong nga nanarbaho.
Si Pelare nagkanayon nga kon adunay makasala nga PNP personnel ilabi na sa Central Visayas mohimo dayon sila og imbestigasyon ug pahamtangan og silot ang mapatud-an nga adunay sayop nga nabuhat.
“Ang among awhag ni Police Lieutenant Colonel Espinido ug sa ubang naay mga allegations sa PNP or any of it’s members nga they should press charges and provide evidence for this allegations. Tinuod man na nga naay mga pipila pod sa atong miyembro nga nasaag pero dili pod maayo nga ang tibuok organisasyon sa PNP idamay. Kami, nagpasalig mi diri sa Police Regional Office-7 with the very supportive community in Central Visayas that we will remain intolerant or dili mi mo tolerate any mga misdeeds conducted or perform by any member of the Police organization”, dugang ni Pelare. (BANAT NEWS)
- Latest
