PRO-7 mosuporta sa tinguhang himuong mandatory ang ROTC
CEBU, Philippines — Suportado sa Police Regional Office(PRO)-7 ang full implementation sa mandatory Reserve Officers’ Training Corps (ROTC) sanglit nagtuo sila nga nag-promote kini og paghigugma sa nasud, patriotism, nationalism ug discipline.
Una niini, sa miaging adlaw ang mga tinun-an sa University of the Philippine Cebu Campus nagpahigayon og lihok protesta atubangan sa uniberidad isip pagpadayag sa ilang pagsupak sa implimentasyon sa ROTC.
Si Police Lt. Col. Gerard Ace Pelare, tigpamaba ni PRO-7 Regional Director Brigadier General Anthony Aberin miingon nga wala sila’y nakitang sayo sa pagpatuman sa ROTC gani nag-advocate sila sa full implementation niini dili lang tungod kay produkto sila sa ROTC apan nasayod sila nga ang ROTC maka-instill og disiplina sa younger generation ilabi na karon nga challenging na ang ilang palibot epekto sa social media.
“Actually kami diri sa PNP we don’t power to legislate maghuwat lang ta sa decision sa legislation nga i-come up from the Congress and if there is that legislation we will support it because it is advantageous to us peace and order, security sector our Regional Director would welcome that kind of development here in Central Visayas,” sigon ni Pelare.
Dugang sab sa opisyal nga pinaagi sa ROTC hayan modaghan ang gusto nga mag-police ug sundalo nga pabor sa Philippine National Police kay gusto nila modawat og competent ug motivated nga tawo.
“So through ROTC ma-impose ang discipline, they will love their country and of course they will avoid committing misdemeanors moubos ang crime nga ma commit sa central visayas mao man nay main function sa PNP so this is a proactive approach,” ni Pelare pa.— IBM ( Banat News )
- Latest
