Marso 26, 2017

Pagtitibay: Walang imposible para sa Manlilikha ko. Nasa kanya ang tiwala ko na mababayaraan ko ng buo ang hinuhulugan kong bahay at lupa. Sapat ang grasya Niya magpakailan man.

ARIES (Marso 21- Abril 19) – Sa ayaw at gusto mo, kailangan mo nang mag-simulang kumilos. Sapat na ang inilaang araw sa pagsasaya at pamamasyal. Balik trabaho na. Bagama’t tinatamad, matutuwa kapag nakitang unti-unting natatapos ang trabaho. Lucky numbers at color for the day ay 33, 11, 34, 39 at lavender.

TAURUS (Abril 20- Mayo 20) – Ilang mga gawain ang matatapos nang hindi gaanong mapapagod. Kailangan lamang ang disiplina sa sarili upang lalong maging produktibo. Lucky numbers at color for the day ay 15, 28, 35, 43 at neon green.

GEMINI  (Mayo 21- Hunyo 21) –  Hindi masama ang maging masaya subalit huwag kalimutan na may mga responsibilidad na hindi dapat mapabayaan. Mas nanaising mamasyal at magsaya kasama ang ilang kaibigan kaysa sa obligasyon sa pamilya, tahanan o hanapbuhay. Lucky numbers at color for the day ay 18, 26, 30, 37 at sun yellow.

CANCER (Hunyo 22- Hulyo 22) – Anuman ang mangyari, nananatiling matatag at hindi basta susuko. Magiging negatibo ka ngayon kung mag-isip, na kahit maganda ang araw, nananatiling nababahala at iniisip na may hindi magandang mangyayari. Maging positibo para maiwasan ang hindi magandang mangyayari. Lucky numbers at color for the day ay 2, 10, 24, 32 at purple.

LEO (Hulyo 23- Agosto 22) – Mahihirapan kang sarilinin ang problema. Kung hindi makapagdesisyon, makakabuting humingi ng payo sa malapit na kaibigan kaysa pilitin ang sarili sa hindi naman kaya. Bigyan halaga ang payo ng higit na nakakaalam. Lucky numbers at color for the day ay 7, 26, 31, 39 at pink.

VIRGO (Agosto 23- Setyembre 23) – Marami ang nangarap at gustong sumama sa iyo para sila naman ay maging aktibo at produktibo. Naniniwala ang mga kasamahan na malaki ang iyong magagawa bilang miyembro ng grupo. Mararamdaman mo ang kahalagahan ng pera o samahan. Lucky numbers at color for the day ay 21, 23, 40, 44 at brown.

LIBRA (Setyembre 24- Oktubre 23) – Huwag magsimula ng panibagong gawain kung hindi tapos ang sinimulan. Ihanda ang sarili sa problemang maaaring darating sa pinansiyal o relasyon. Tiyakin na nasa maayos at mabigyan ng pansin ang mahahalagang bagay dahil maaaring malayo o mawala nang hindi inaasahan. Lucky numbers at color for the day ay 5, 9, 18, 23 at red ruby.

SCORPIO (Oktubre 24- Nobyembre 22) –  Ang matagal nang hinahanap na bagay ay maaaring nasa paligid lamang o mismong nasa harapan mo na. Huwag nang lumayo ng tingin. Baka hindi lang napapansin dahil hindi sa inaakalang lugar makikita. Lucky numbers at color for the day ay 12, 28, 37, 45 at peach

SAGITTARIUS (Nobyembre 23- Disyembre 21) – Huwag piliting magawa ang lahat ng bagay na sarili lamang ang inaasahan. Humingi ng tulong. Minsan kailangan talaga ang tulong ng iba. Huwag sayangin ang lakas sa mga bagay na hindi dapat pag-aksayahan ng oras. Lucky numbers at color for the day ay 2, 12, 24, 32 at avocado green.

CAPRICORN (Disyembre 22- Enero 19) – Napakalayo ang iniisip mo ngayon. Dapat magpokus sa bagay na dapat pagtuunan ng pansin at hindi sa kung anong inisip na wala namang mangyayari. Mahihirapan ka na makapagdesisyon kung sari-sari ang laman ng iyong isipan. Lucky numbers at color for the day ay 7, 14, 21, 28 at maroon.

AQUARIUS (Enero 20- Pebrero 18) – Makakabuting magmasid, makinig at pag-aralan ang mga pangyayari at saka magbigay ng komento o opinyon. Huwag kaagad magbigay ng reaksiyon sa mga pangyayari. Upang mapanatili ang dignidad, huwag gayahin ang iba na gumagawa ng maling gawain. Lucky numbers at color for the day ay 3, 7, 12, 15 at sky blue.

PISCES (Pebrero 19- Marso 20) – Hindi matatapos ang problema kung hindi ito haharapin at hahanapan ng solusyon. Hindi sa lahat ng oras ay magagawang iwasan o tumakas o hayaan na lamang ang suliranin. Nasa tabi lamang ang kailangang solusyon kung pagsisikapang hagilapin. Lucky numbers at color for the day ay 10, 20, 30, 40 at blue.