Setyembre 13, 2004

VIRGO (Ago. 23-Set. 23) – Basta sa katwiran, ngayon dapat ipakita na may pang gulpi-de-gulat na itinatago dahil may ilan na sobrang pang-aabuso ang ginagawa. Ang walang imik ay nakabubuti ngunit hindi nangangahulugan na walang damdaming nasasaktan. Panindigan kung anong ginawang desisyon. Lucky numbers at color of the day ang 7-18-19-22 at yellow.

LIBRA (Set. 24-Okt. 23) – Walang perpektong relasyon, tampuhan o bati. Ngayon dapat iwasang magkaroon ng alitan sa minamahal dahil kung magkakataon, hahantong sa matagal na tampuhan o magkahiwalayan. Pairalin ang kahinahunan at pasensya. Lucky numbers at color of the day ang 8-17-39-41 at white.

SCORPIO (Okt. 24-Nob. 22) – Sa dami ng mga activities, daranas ng pagod ngunit ang kapalit ay kaligayahan dulot ng pag-ibig. Pag-ibig ang dahilan kung bakit magiging aktibo ang katawan subalit bigyan ng prayoridad ang kalusugan. Laanan ng panahon ang pagpapahinga. Lucky numbers at color of the day ang 12-13-39-42 at pink.

SAGITTARIUS (Nob. 23-Dis. 21) – Dahil sa hangad na umunlad, hindi tamang sirain ang kapwa upang umangat. Walang makakaligtas sa prinsipyo ng karma. Hindi pa huli ang magbago. Simulan ngayon at tiyak lalandasin ang tagumpay. Sa sariling sikap, matamis ang tagumpay na maaangkin. Lucky numbers at color for the day ang 11-14-27-34 at dollar green.

CAPRICORN (Dis. 22-Ene. 19) – Matatagpuan ang tamang solusyon sa problema tungkol sa hanapbuhay subalit mag-iiwan ng kaunting problema sa tahanan. Kung tututukan ang problema sa tahanan, tiyak may solusyong matatagpuan. Huwag ipagwalambahala ang problema dahil kung hindi aaksyunan ay tiyak lalala. Lucky numbers at color of the day ang 10-13-34-39 at yellow.

AQUARIUS (Ene. 20-Peb. 18) – May oras sa trabaho at paglilibang gayundin sa pamilya. Sa pagkakataon, ngayon bigyan ng sapat na panahon ang mga mahal sa buhay. Kailangan nila ang iyong kalinga at payo. Nasa tamang daan ang progreso sa buhay, sikaping hindi lumihis ang landas. Lucky numbers at color of the day ang 2-19-23-42 at neon green.

PISCES (Peb. 19-Mar. 20) – Maaaring makatanggap ng magandang balita mula sa koreo, telepono o sa makabagong teknolohiya. Maganda ang palatandaan tungkol sa pag-ibig. Ipagpaliban ang balak na paglalakbay. Nasa signos ang aksidente o disgrasya kaya iwasan ang dapat iwasan. Lucky numbers at color of the day ang 2-3-9-37 at brown.

ARIES (Mar. 21-Abr. 19) – Isang Cancer ang magbibigay ng suwerte subalit ang kapwa Aries naman ang magbibigay ng problema o sakit ng damdamin. Iwasan pansamantala ang mga kilalang Capricorn dahil kung may kaguluhang maganap ay hahantong sa hindi maganda. Lucky numbers at color of the day ang 22-24-31-43 at red.

TAURUS (Abr. 20-May 20) – Ang suwerte ay minsan lamang kakatok sa pintuan. Huwag paalpasin na malamang dumating ngayon. Maghanda kung anuman ang dumating at kung inaakalang mabuti at ikauunlad ng buhay, sunggaban kaagad at huwag bigyan ng pagkakataong makawala. Lucky numbers at color of the day ang 10-14-20-41 at blue.

GEMINI (May 21-Hun. 21) – Pansamantalang maisasantabi ang lovelife dahil ang pokus ngayon ay ang pinansyal na aspeto sa buhay. Pinansyal ang problema kaya gagawa ng paraan upang makamit ang kailangan. Lucky numbers at color of the day ang 2-17-29-38 at aqua blue.

CANCER (Hun. 22-Hul. 22) – May maganda at kapangitang lilitaw tungkol sa pribadong buhay ngunit huwag mabahala dahil sa huli ay magwawagi kung magpapaliwanag nang mahinahon. Iwasang magalit at maging emosyonal. Magandang pagkakataong maipakita ang paninindigan at pagkatao. Lucky numbers at color of the day ang 14-16-36-37 at light gray.

LEO (Hul. 23-Ago. 22) – Magpakahinahon sa pagkilos, pagsasalita at maging sa paggawa upang maiwasang makasakit ng kapwa o magkamali. Dahil sa kalituhan, makabubuting suriin at pag-aralan munang mabuti ang mga bagay na dapat gawin. Kung may mangutang, hindi dapat pagbigyan dahil matagal bago mabayaran. Lucky numbers at color of the day ang 9-24-28-40 at white.