Disyembre 7, 2003

SAGITTARIUS (Nob. 23-Dis. 21) – May magandang balitang matatanggap. Matatapos nang maayos at walang balakid ang napasimulang mga gawain. Kung may kakatagpuin, ipagpaliban dahil tiyak hindi magkikita. Iwasan ang makipag-date. Lucky numbers at color of the day ang 3-8-17-45 at jade green.

CAPRICORN (Dis. 22-Ene. 19) – May isang taong sasalungat sa iyo. Ang mabilis na pagkilos at lakas ng kamalayan ang magliligtas sa sarili. Malulutas ang bagay na matagal nang gumugulo sa isipan at bumabagabag sa damdamin. Lucky numbers at color of the day ang 9-11-32-42 at yellow.

AQUARIUS (Ene. 20-Peb. 18) – Kumilos kaagad kung ano ang magandang iniisip sapagkat ang panahon ay ginto. May ilang bagay na dapat isaayos na nangangailangan ng pera. Naaayon ang araw sa paglalakbay. Magiging abala sa pinapasukan at tahanan. Lucky numbers at color of the day ang 11-22-31-40 at garnet red.

PISCES (Peb. 19-Mar. 20) – Mag-ingat sa pagkain lalo na ang mahirap tunawin. Alagaan ang kalusugan upang maiwasang magkaproblema. Iwasan ang magalit na siyang ikatataas ng presyon. Malalapitan ang mga kaibigan kung may kailangan. Lucky numbers at color of the day ang 5-10-29-38 at honey yellow.

ARIES (Mar. 21-Abr. 19) – Karagdagang pag-aaral ang dapat gawin upang lalong mapaangat ang kalagayan ng propesyon. Isang bagong pag-ibig ang nasa landas ng pagsibol. Suriing mabuti ang landas na tinatahak upang hindi maligaw. Lucky numbers at color of the day ang 6-11-24-29 at cherry red.

TAURUS (Abr. 20-May 20) – Ang kaguluhan sa paligid ay maaaring maging madilim na ulap sa nais gawin. Ang marunong magpahalaga sa trabaho ay may magandang ibubunga. Igalang ang opinyon at paniniwala ng iba. Lucky numbers at color of the day ang 4-14-23-40 at lemon green.

GEMINI (May 21-Hun. 21) – Malaki ang pagkakataon upang maiangat ang hirap na kalagayan sa negosyo o trabaho. Tiyaga at sipag ang magiging susi ng tagumpay. Suriing mabuti ang alok bago pumalaot. Iwasan ang magpadalus-dalos ng pagpapasya. Lucky numbers at color of the day ang 7-16-26-30 at pink.

CANCER (Hun. 22-Hul. 22) – Mag-ingat sa mga taong mandaraya o mandurugas dahil magiging malapitin ang mga ito sa iyo ngayon. Iwasang mag-init kaagad ang ulo. Panatilihin ang kahinahunan. May posibilidad na mahirapan sa pagtupad ng pangako. Lucky numbers at color of the day ang 2-15-23-34 at crimson.

LEO (Hul. 23-Ago. 22) – Iwasan ang masasakit na biruan na maaaring makasugat sa damdamin nang hindi sinasadya. May pagkakataong makagawa ng isang bagay na kapaki-pakinabang sa pamilya at sarili. Isang malalim na lihim ang matutuklasan. Lucky numbers at color of the day ang 6-11-25-28 at fuschia.

VIRGO (Ago. 23-Set. 23) – Pakinggang mabuti ang kutob ng kalooban upang hindi magkamali sa gagawin. Makiisa sa layunin at gawain ng mga kasamahan. Ang matagal nang hinahangad ay matutupad ngayon nang walang hadlang. Mag-ingat sa mandurugas. Lucky numbers at color of the day ang 2-13-24-40 at mint green.

LIBRA (Set. 24-Okt. 23) – Ang balak na magtrabaho sa ibang bansa ay maisusulong ngayon. Inaayunan ng magandang pagkakataon na maisulong ang magandang kinakaharap. Mag-ingat at posibleng mawalan ng mahalagang bagay. Lucky numbers at color of the day ang 1-14-21-41 at tangerine.

SCORPIO (Okt. 24-Nob. 22) – Paglabanan ang kapusukan upang hindi mapahamak. Ang tunay na pag-ibig ay hindi makikita sa materyal na bagay o sa salita kundi sa gawa. Malamang may magandang impormasyong matanggap na matagal nang gustong malaman. Lucky numbers at color of the day ang 5-18-28-42 at violet.