Setyembre 24, 2003

LIBRA (Set. 24-Okt. 23) – Ang mga gintong aral ay magagamit ngayon. Madaling malulunasan ang suliranin. Bigyang-pansin ang kalusugan. Magiging maaliwalas ang buong araw. Walang sagabal o hadlang sa dapat gawin. Lucky numbers at color of the day ang 1-16-17-35 at beige.

SCORPIO (Okt. 24-Nob. 22) – Lawakan ang pang-unawa at magpaubaya. Huwag pumatol kung may mangkukulit o mang-aasar. Kung may lakarin, gawin sa umaga at huwag sa hapon. Matumal ang negosyo. Lucky numbers at color of the day ang 11-13-25-37 at magenta.

SAGITTARIUS (Nob. 23-Dis. 21) – Magiging balisa sa buong maghapon dahil sa problema. May handang tumulong na kaanak o kaibigan kung magtatapat. Sa hapon o gabi maaaring malutas ang suliranin. Lucky numbers at color of the day ang 10-24-35-44 at orange.

CAPRICORN (Dis. 22-Ene. 19) – Masuwerte ang araw. Magsisimula ang pagbabago sa buhay. Makakatanggap ng magandang balita sa pinapasukan. Matatapos ang lahat ng gawaing napasimulan. Walang problema sa tahanan at pinapasukan. Lucky numbers at color of the day ang 15-23-37-40 at fuschia.

AQUARIUS (Ene. 20-Peb. 18) – Maipapakita ang kakayahan. Isang Taurus ang magbibigay ng hinanakit at kung papatulan ay may mangyayaring di-maganda. May pagkakataong makilala ang nagpapatibok sa puso. Iwasang maglasing o magsugal. Lucky numbers at color of the day ang 6-18-22-27 at jade green.

PISCES (Peb. 19-Mar. 20) – Magpakahinahon. Huwag mag-init ang ulo. May magandang pagkakataon na hindi dapat palampasin. Magtatagumpay sa binabalak na proyekto. Maganda ang kita sa negosyo. Lucky numbers at color of the day ang 1-10-19-36 at peach.

ARIES (Mar. 21-Abr. 19) – Malamang magkaroon ng di-pagkakaunawaan sa isang kaibigan. Tsismis ang magiging sanhi ng di-pagkakaunawaan. Magpakahinahon at pag-usapan ang mga bagay upang hindi mauwi sa away at matagalang tampuhan. Lucky numbers at color of the day ang 2-10-18-37 at indigo.

TAURUS (Abr. 20-May 20) – Ang inaasahan ay mangyayari kung malinis ang hangarin. Huwag magpaliguy-ligoy sa gustong sabihin. Praktikal na pagdidesisyon ang kailangan kung hangad magtagumpay. Huwag ibunton sa iba ang sisi at matutong tumanggap ng pagkakamali. Lucky numbers at color of the day ang 8-16-19-30 at dollar green.

GEMINI (May 21-Hun. 21) – Magiging maayos ang takbo ng mga gawain. May suwerte ang negosyo. Walang problema sa tahanan. Masaya at makulay ang romansa kung iiwasan ang usapang selos. Lucky numbers at color of the day ang 5-13-22-26 at lilac.

CANCER (Hun. 22-Hul. 22) – Magulo ang hatid ng araw at upang maiwasan, panalangin ang kailangan. May magaganap na pagtatalo sa kasambahay o kasamahan. Iwasan ang di-pagkakaunawaan at mag-init ang ulo. Idaan sa magandang usapan kung makakasagupa ng pagtatalo. Lucky numbers at color of the day ang 8-13-24-39 at purple.

LEO (Hul. 23-Ago. 22) – Huwag magmalabis sa binitiwang salita. Makakasagupa ng taong makulit o mapagbiro. Madaling mapikon at magalit. Kung hindi iiwasan, mapapasubo o magkakaroon ng di-pagkakaunawaan. Lucky numbers at color of the day ang 4-15-32-42 at opal blue.

VIRGO (Ago. 23-Set. 23) – May desisyon o hakbang na kailangang pag-aralan. Huwag magpadalus-dalos sa desisyon. Hingiin ang payo o suhestiyon ng kaanak, kaibigan o higit na nakakaalam upang hindi magsisi. Lucky numbers at color of the day ang 8-15-29-40 at pink.