August 3, 2002

LEO (Hul. 23-Ago. 22) – Karagdagang pag-aaral ang dapat gawin upang lalong mapaangat ang kalagayan ng propesyon. Isang bagong pag-ibig ang sisibol. Suriing mabuti ang landas na tinatahak upang hindi maligaw. Lucky numbers at color for the day ang 6-11-23-28 at cherry red.

VIRGO (Ago. 23-Set. 23) – Ang kaguluhan sa paligid ay maaaring maging madilim na ulap sa nais gawin. Ang marunong magpahalaga sa trabaho ay may magandang ibubunga. Igalang ang opinyon at paniniwala ng iba. Lucky numbers at color for the day ang 3-13-22-29 at lemon green.

LIBRA (Set. 24-Okt. 23) – Magkakaroon ng pagkakataon upang maiangat ang hirap na kalagayan sa negosyo. Tiyaga at sipag ang magiging susi ng tagumpay. Suriing mabuti ang alok ng isang bagong kakilala. Iwasan ang padalus-dalos na pagpapasya. Lucky numbers at color for the day ang 7-16-26-36 at pearl pink.

SCORPIO (Okt. 24-Nob. 22) – Mag-ingat sa mga taong mandaraya o mandurugas dahil magiging malapitin ito sa iyo ngayon. Iwasan ang mag-init agad ang ulo. Panatilihin ang kahinahunan. May posibilidad na mahirapan sa pagtupad ng pangako. Lucky numbers at color for the day ang 2-13-23-33 at crimson.

SAGITTARIUS (Nob. 23-Dis. 21) – Iwasan ang masakit na biruan na maaaring makasugat ng damdamin nang hindi sinasadya. May pagkakataong makagawa ng isang kapaki-pakinabang sa pamilya at sarili. Isang malalim na lihim ang matutuklasan. Lucky numbers at color for the day ang 6-10-25-33 at fuschia.

CAPRICORN (Dis. 22-Ene. 19) – Pakinggang mabuti ang kutob ng kalooban upang hindi magkamali sa gagawin. Makiisa sa layunin ng mga kasamahan. Ang matagal nang hinahangad ay matutupad ngayon nang walang hadlang. Mag-ingat sa mga mandurugas. Lucky numbers at color for the day ang 4-13-24-35 at mint green.

AQUARIUS (Ene. 20-Peb. 18) – Ang balak na magtrabaho sa ibang bansa ay maisusulong ngayon. Inaayunan ng pagkakataon ang pagsisimula ng masaganang hinaharap. Mag-ingat at posibleng mawalan ng mahalagang bagay. Lucky numbers at color for the day ang 4-13-21-26 at tangerine.

PISCES (Peb. 19-Mar. 20) – Paglabanan ang kapusukan upang hindi mapahamak. Ang tunay na pag-ibig ay hindi nakikita sa materyal na bagay o sa salita kundi sa gawa. Malamang may magandang impormasyong matanggap na matagal nang ibig malaman. Lucky numbers at color for the day ang 5-16-28-40 at violet.

ARIES (Mar. 21-Abr. 19) – May magandang balitang matatanggap. Matatapos nang maayos at walang balakid ang napasimulang mga gawain. Kung may katatagpuin, dapat itong ipagpaliban dahil tiyak hindi magkikita. Iwasan ang makipag-date. Lucky numbers at color for the day ang 4-7-16-32 at mint green.

TAURUS (Abr. 20-May. 20) – May isang taong sasalungat sa iyo. Ang mabilis na pagkilos at lakas ng kamalayan ang magliligtas sa sarili. Malulutas ang bagay na matagal nang gumugulo sa isipan at bumabagabag sa damdamin. Lucky numbers at color for the day ang 6-11-18-32 at yellow.

GEMINI (May. 21-Hun. 21) – Kumilos agad kung ano ang magandang iniisip pagkat ang panahon ay ginto. May ilang bagay na dapat isaayos na mangangailangan ng pera. Naaayon ang araw sa paglalakbay. Magiging abala sa pinapasukan at maging sa tahanan. Lucky numbers at color for the day ang 11-22-32-41 at garnet red.

CANCER (Hun. 22-Hul. 22) – Mag-ingat sa pagkain lalo na ang mahirap tunawin. Alagaan ang kalusugan upang maiwasan ang magkaproblema. Iwasan ang magalit na siyang ikatataas ng presyon. Malalapitan ang mga kaibigan sa mga pangangailangan. Lucky numbers at color for the day ang 4-10-15-24 at honey yellow.