Pebrero 03, 2002

AQUARIUS (Ene. 20-Peb. 18) – Isang Taurus ang magbibigay ng suwerte subalit isang Leo naman ang magbibigay sa iyo ng sakit ng damdamin o problema. Iwasan pansamantala ang mga kilalang Gemini dahil pag may gulong naganap, ito ay magiging pangmatagalan. Lucky numbers at color for the day ang 29-13-31 at red.

PISCES (Peb. 19-Mar. 20) – Ang suwerte ay minsan lamang kumatok sa pinto kaya’t huwag itong paalpasin. Maging handa kung anuman ang darating at kung inaakalang ikauunlad, sunggaban at huwag bigyan ng pagkakataong makakawala. Lucky numbers at color for the day ang 11-12-14-41 at sky blue.

ARIES (Mar. 21-Abr. 19) – Kung ang kasama ay isang Piscean, magiging matamlay at malulungkutin. Makakatampuhan ang isang Sagitarrian. Isang Capricorn o Cancer naman ang magpapasaya sa iyong araw. Lucky numbers at color for the day ang 5-6-18-22 at sky blue.

TAURUS (Abr. 20-May. 20) – Nang dahil sa kapabayaan, ang matagal nang suliranin ng pamilya ay mauungkat at pagsisimulan ng sumbatan. Posibleng manumbalik ang harmonya kung hinahon ang paiiralin at maayos na paliwanagan. Lucky numbers at color for the day ang 9-10-23-32 at neon green.

GEMINI (May. 21-Hun. 21) – Araw ng pangako at magiging magaan ang lahat ng bagay. Ang nakalimutang pangako ay tiyak maisasakatuparan. Iwasan ang paglalakbay, paglalasing, pagsusugal o pakikipag-date. Magiging magaan ang trabaho at pasok ng pera. Lucky numbers at color for the day ang 1-3-34-40 at yellow.

CANCER (Hun. 22-Hul. 22) – Kung may tipanan, huwag mainip sa paghihintay dahil ang kausap ay darating naman, huli nga lamang. Ang anumang transaksyong gagawin ay dapat pag-aralang mabuti bago pumalaot. Hindi inaayunan ang paglagda ng anumang mahalagang papeles o kontrata. Lucky numbers at color for the day ang 4-14-24-34 at dollar green.

LEO (Hul. 23-Ago. 22) – Kung gumawa ng kabutihan, kabutihan din ang babalik. Napapanahon upang maibsan ang kasalanang nagawa sa pamamagitan ng pagsisisi at buong pusong pananalangin. Ang pagsisimba ay inaayunan ng panahon. Lucky numbers at color for the day ang 13-31-39-42 at pink.

VIRGO (Ago. 23-Set. 23) – Palampasin ang narinig na salitang makapipikon o makakaasar. Huwag patulan ang anumang mga salitang masasakit pagkat inggit ang nagtulak dito at makaiwas din sa gulo. Tawanan ang suliranin at tiyak babawi ang kaligayahan. Lucky numbers at color for the day ang 3-9-39-41 at white.

LIBRA (Set. 24-Okt. 23) – Salubungin ng matamis na ngiti ang umaga. Iwasan ang mga kaibigang tsismosa upang hindi matakpan ng madilim na ulap ang araw dahil tiyak na ikaw ay magagalit. Iwasan din ang makasakit ng damdamin ng kapwa at anyaya ng barkada. Lucky numbers at color for the day ang 9-15-19-22 at yellow.

SCORPIO (Okt. 24-Nob. 22) – May maganda at kapangitang lilitaw sa iyong pribadong relasyon ngunit huwag mabahala at sa bandang huli ay magwawagi ang mabuti kung hinahon ang paiiralin. Iwasan ang magalit. Lucky numbers at color for the day ang 15-16-36-37 at light gray.

SAGITTARIUS (Nob. 23-Dis. 21) – Maging mahinahon sa pagkilos, pananalita at sa paggawa upang maiwasan ang makasakit ng kapwa at magkamali. May pagkamagulo ang isip kaya’t pag-aralang mabuti ang mga papeles bago ito lagdaan. May mangungutang na hindi dapat pagbigyan dahil matagal bago ka niya mabayaran. Lucky numbers at color for the day ang 11-26-28-39 at cream.

CAPRICORN (Dis. 22-Ene. 19) – Isugod kaagad ng pagamutan kung may kaanak na may sakit. Tiyak na kasaganaan naman ang mararanasan kung walang may sakit sa pamilya. May pagkakataong magkasalu-salo sa hapag-kainan ang buong pamilya sa loob o labas ng tahanan. Lucky numbers at color for the day ang 5-15-25-35 at aqua blue.