Abril 23, 2001

TAURUS (Abr. 20-May. 20) -- Iwasan ang pagiging mainitin ang ulo nang hindi lumala ang tampuhan. Mabibigla sa katotohanang matutuklasan ngayon. Isang masusing pag-aaral ang maaaring tumapos sa nabimbing kompromiso. Hindi inaayunan ang anumang balak na paglalakbay. Lucky numbers at color for the day ang 11-22-26-35 at peach.

GEMINI (May. 21-Hun. 21) -- Tatanggap ng mahalagang impormasyong may kinalaman sa trabaho. Piliting magpakahinahon sa anumang magaganap. Iwasan ang magkaroon ng kaalitan. Ang pakikipagtransaksayon ay walang saysay at kabuluhan. Lucky numbers at color for the day ang 3-10-15-20 at indigo.

CANCER (Hun. 22-Hul. 22) -- Mag-ingat sa pagtanggap ng maling balita na maaaring maging dahilan para makagawa ng hindi nararapat. Ang pagpapasensya at matinong pag-iisip ay hinihingi ng pagkakataon. Ang pamamasyal at pag-aaliw ay inaayunan ng panahon. Lucky numbers at color for the day ang 7-13-29 at yellow.

LEO (Hul. 23-Ago. 22) -- Magkakaroon ng intriga sa umaga. Suriing mabuti ang mapapansing galit o inggit ng isang kadikit o kaibigan. Agapang masolusyunan ang anumang problema. Ang pagpapasensya ay may ginintuang gantimpala. Lucky numbers at color for the day ang 2-4-7-19 at red.

VIRGO (Ago. 23-Set. 23) -- Magpakumbaba at kaagad ituwid ang pagkakamali upang makatamo ng respeto. Mararamdaman ngayon ang maraming pagbabago sa buhay. May mabuting balitang matatanggap. Lucky numbers at color for the day ang 1-3-6-32 at blue.

LIBRA (Set. 24-Okt. 23) -- May ilang taong dapat kausapin ngayon. Mag-ingat sa pagdadala ng salapi. Sikaping lawakan ang pag-iisip. Iwasan ang magkaroon ng kaalitan. Lucky numbers at color for the day ang 2-11-20-30 at green.

SCORPIO (Okt. 24-Nob. 22) -- Ang ipinaglalabang prinsipyo ay nasa katwiran. Maaaring ang taong iniisip na kaaway ay nasa panig mo. Dapat tiyakin ang layunin bago pumalaot. Lucky numbers at color for the day ang 1-14-27-40 at white.

SAGITTARIUS (Nob. 23-Dis. 21) -- Kailangan ang masusing pagpaplano ng mga gastusin sa pamamahay. Mag-ingat sa apoy at magnanakaw. Ang mga pakikipagsosyo ay malalagay sa pagsubok ngayon. Ang tiwala sa sarili ay magdudulot ng progreso. Lucky numbers at color for the day ang 5-17-22-34 at violet.

CAPRICORN (Dis. 22-Ene. 19) -- Sa pinansyal, magbabayad ang mga taong may pagkakautang sa iyo. Ang minamahal ay matampuhin ngayong araw. Ang lubos na pang-unawa ay kailangan para makaiwas sa gulo o hinanakitan. Lucky numbers at color for the day ang 2-5-8-22 at fuschia.

AQUARIUS (Ene. 20-Peb. 18) -- Magiging maunlad ang negosyo sa araw na ito. Ang mga taong may pangalang nagsisimula sa E, I o M ang magbibigay ng suwerte ngayon. Isang Libran ang magbibigay ng kaligayahan. Lucky numbers at color for the day ang 15-29-38-44 at electric blue.

PISCES (Peb. 19-Mar. 20) -- Matutong tumupad sa anumang pangakong binitawan. Maaakit mong magpakilala ang isang taong matagal ng lihim sa iyong humahanga. Huwag magmadali sa pagdidesisyon dahil may banta ng pagkakamali. Lucky numbers at color for the day ang 6-13-21-39 at pink.

ARIES (Mar. 21-Abr. 19) -- Mabubuksan ngayon ang maraming posibilidad na may kinalaman sa propesyon. Walang maaasahang tulong mula sa kaibigan o kaanak. Suriing mabuti ang bawat anggulo sa gagawin. Lucky numbers at color for the day ang 3-6-19-23 at lavander.