Kanunay busy

Dear Tito Miguel,

Maayong adlaw! Ako diay si  Melanie, taga Naga, Cebu. Magpatambag unta ko, akong boyfriend nga si Jay kay grabe ka busy  sa trabaho, usahay ra gyud siya makahatag og time sa among relasyon. Dili man ko demanding, pero makapungot lang kay ako pa ang mag-initiate para magkita mi. If dili ko maningkamot, dili sad mi magkita . Unsa akong buhaton, Tito Miguel?  — Melanie

 Melanie,

Buot pasabot dili na siya interesado kanimo ug sa inyong relasyon. Maski unsa ka busy ang tawo, maninguha na’g paagi nga magkita mo. Wala ka mag hisgot kun manawag ba siya’g mo-text man lang mangomusta kanimo samtang layo siya. Kun ultimo pag text dili niya mahimo, klaro nga wala na ka sa iya’ng mga plano ug prayoridad. Aron masiguro nimo asa ka dapit sa iyang kinabuhi, undangi’g initiate nga magkita mo. Ayaw una’g tawag o text aron imo masusi kun pangitaon ka.

Kun dili mangita nimo, usa ray pasabot ana, dugay na siya nagpaabot nga makasabot ka, nga wala nay kamong duha. Syaro’g di gyud siya matingala ngano kalit nahilom ka? Kun mangita nimo’g mangutana ngano, diha na pangutan-a unsa na mong duha. Kun magklaro nga dili niya kaya mogahi’g oras para pag-amuma sa inyong relasyon, biya na dayon aron makalingkawas mo sa usa’g-usa. Siya nga kanimo nipalayo ug ikaw nga kaniya sige’g pangita. Kun mohangyo imo siya’ng sabton kay busy lang siya, ingna puwede na nimo himoon, apan kinahanglan mohatag siya’g klaro nga schedule kanus-a mo magkita aron dili ka mag dahom sa wala.

Kun magklaro nga pananglit ka usa ra mo magkita sa usa ka semana o buwan, naa ra nimo’g modawat ka. Apan paniid, kun niabot na sa punto nga mangamuyo na ka sa iyang oras, biya na. Kun tiunay ka niya nga gihigugma, sa iyang oras dili na ka mistil pa mamugos o makilimos.  Tito Miguel

Magpatambag ka? Ipada kang Tito Miguel: 0998-581-5856