Love story

Dear Banat News ,

Hello  sa avid  readers  sa Banat News, ako diay si  JB, 25 years old  ug nagtrabaho  isip restaurant manager. Naa  koy uyab, si  Hazisa, 24 years old ug usa ka call center agent. Duha  ka tuig na ang among relasyon. Nagkaila mi tungod ra pud sa jam-jam sa among common friends. Na-starstruck dayon ko sa beauty ni Hazisa. 

Ako siya gi-add sa Facebook, lipay kay ko kay iya kong gi-accept.Magsige ko react sa iyang mga post ug sa messenger stories. Tungod sa FB, napansin ko ni Hazisa ug hinay-hinay dayon ko paramdam niya.

Ako dayon siya nga gihagad og date ug nisugot ra pud siya. Grabe ka guwapa si Hazisa maong usahay ma-intimidate ko niya. Apan kay pursigido man kay ko, nagpabaga na lang gyud ko sa akong nawong.

Human sa tulo ka bulan nga pagdiskarte nako niya, gisugot ko ni Hazisa. Dili gyud ma-describe ang akong kalipay, lami gyud baya ang feelings nga ma-uyab nimo ang imong crush.  Duna puy time nga hapit mi magbuwag, kay wala siya kaagwanta sa akong pagkaseloso.Dili malikayan nga magselos ko if makakita ko nga close kaayo siya sa iyang friends nga mga lalaki.

Apan naka-realize ko nga wagtangon na nako ang akong pagka-seloso aron dili nami magsige og away.   Gidawat niya ang akong kagahapon diin aduna koy anak.  Gani kun akong uslan ang akong baby sa akong ex-GF, pinangga gyud na ni Hazisa ug dad-on gyud na namo kun manglaag mi. Segurado na gyud ko nga si Hazisa ang akong maasawa.      

Mo-request lang ko sa lyrics sa You Are Reason by Ketama.

* * *

Hi JB ! Thank you so much sa imong LOVE STORY! Paabuta ugma puhon ang imong request.

Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH)   o Banat News. I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.