Love story
Dear Banat News,
Maayong adlaw sa tanan! Ako diay si Maylyn, 25 years old ug nagtrabaho isip call center agent. Dugay gyud ko tigbasa og LOVE story, malingaw gyud bitaw ko. Naa nakoy uyab, si Bryle ug duha ka tuig na ang among relasyon.
Nagkaila mi niya tungod kay nagkauban mi sa una sa usa ka youth seminar sa among barangay.
Dili pud malikayan ang sungog-sungog sa mga tawo. Nagkasuod mi og maayo kay permi naman siya mouban kun manglaag mi ss akong friends.
Buotan raman si Bryle maong nauyonan rapud siya sa akong barkada. Maklaro gyud baya ang actions ni Bryle nga duna siya gusto nako. Nakaingon gyud ko torpe gyud ning tawhana kay wala gyud siya nanguyab nako. Sige lang pa-cute sa chat ug text apan wala gyud nidiskarte nako.
Ganahan sad baya ko niya, kay buotan ug usa pud siya ka engineer ug dunay dakong pangandoy sa kinabuhi.
Sa pila ka bulan sa pagsige niya og pa-cute, ako nalang gyud ang niingon kaniya og “ Unsa man gyud , ganahan ka nako? Kay okay ra gyud mag-uyab ta.” Namuwa si Bryle, ug kalit siya nigakos nako ug niana “Oo , ganahan ko mag-uyab ta, salamat kay giunhan ko nimo , torpe man gud ko.”
Nakaingon ko nga baga kay ko og nawong niadtong higayona pero kun dili sad ko mo-aksyon, wala pu’y development ang among sitwasyon, total ganahan man sad ko niya.
Happy kay ko sa among relasyon kay dili man gud labad si Bryle. Dili sad ko ganahan nga mobabag sa mga ginagmay nga butang nga ikalipay niya sama sa tagay. Palainom siya pero ang kauban niya sa tagay kay among barkada raman sad.
Request lang ko sa lyrics sa Perfect by Ed Sheeran.
* * *
Hi Maylyn ! Thank you so much sa imong LOVE STORY! Paabuta ugma puhon ang imong request.
Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH) o Banat News. I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
- Latest
