Love story

Dear Banat News,

Maayong adlaw sa avid readers   sa Banat News ilabi na sa Love Story. Ako diay si Yenyen, 27 years old ug nag-work isip call center agent.

Permi  gyud ko mobasa sa Banat News kay malingaw gyud ko. Naa ko’y uyab ron, siya si Albert, 28 years old ug nag–work sa usa ka LGU.

Pito  ka buwan na ang among relasyon. Nagkaila mi ni Albert  gumikan  kay nagka-classmate mi sauna sa pipila ka subjects pag-college.

Nagkasuod mi ni Albert  sa dihang padulong nami mo-graduate.

Paghuman namo og graduate, na-busy nami sa tagsa-tagsa namo nga trabaho.

Medyo naputol ang among komunikasyon pipila ka tuig.

Apan sa dihang nagkaabot mi sa usa ka mall sa miaging  tuig, didto ni-spark akong feeling kaniya kay dako gyud og kausaban.

Nisamot kagwapo si Albert, ug sa  pasugat namo sa mall, nanghagad dayon siya nga manulod mi og coffee shop.

Nabantayan sad nako ang sweet nga pahiyom ni Albert kanako.

Paghuman ato nga coffee date, nasundan kini og daghang mga date.

Pareho mi single niadtong higayona busa wala ra gyu’y problema kung magsige mi og date.

Nidiskarte si Albert kanako, ako unta siya sugton dayon pero ganahan ko nga ang dating nako kay dili ko humok og ilong.

Niabot gyud og duha ka buwan ang pagpanguyab niya nako sa wala pa nako siya sugta.

Lami kaayo ang dagan sa among relasyon kay masinabtanon man gud pagkauyab si Albert.

Kasagaran matag day off ra gyud mi magkakita. Panahon gani sa ECQ, wala jud mi kita-kita pero nakaantos raman mi.

Kami man gud ang klase sa mag-uyab nga dili gyud necessary nga magkita permi. Para nako, OA ra kaayo ang magsige og kita sa uyab. Makadisturbo ra na sa atong trabaho.

Mas maayo gyud nang panagsa ra magkita para ma-excite sad mo sa usag-usa.

Sa akong nahinumdoman, kausa ra gyud nagkaproblema ang among relasyon.

Mao tung time nga nilaag ko unya lowbat akong phone. Mag-follow up man gyud na siya permi nako, pero lowbat man ko. Lagot kaayo siya kay dili daw ko mo-reply. Nakapamalikas bitaw siya ug na-shock ko kay wala ko maanad nga mamalikas siya.

Sige siya pangayo og sorry kay wala daw niya matuyo.  Okay ang dagan sa among relasyon karon, dili gyud nako ilisan si Albert, guwapo pa, boutan pa.

Request lang ko sa lyrics sa Ewan by Imago.

Hi Yenyen ! Thank you so much sa imong LOVE STORY! Paabuta ugma puhon ang imong request.

* * *

Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH)   o Banat News. I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.