Love Story

Dear Banat News,

Maayong adlaw sa tigbasa og LOVE STORY dinhi sa Banat News! Ako si Dianne, 31 years old ug nag-work ko karon sa usa ka pharmacy.

Suki gyud ko sa Banat News kay malingaw man gud ko. Naa ko’y uyab ron, siya si Eugene. Nag-edad siya og edad ug nag –work siya sa usa ka mahalon nga restaurant diha sa Ayala.

Sa tinuod lang, mura’g common na among love story. Daghan nako og nabasahan dinhi nga susama sa dagan sa among love story. Pero dili man ko mahimutang kun dili ko kapadala, ilabi na nga suki ko sa Banat News.

Usa ka tuig kapin na diay ang relasyon namo ni Eugene. Nagkaila mi, tungod ra pud anang paila-ila sa dihang naka-jam ko sa iyang barkada.

 Pag-una, dili kay nako feel si Eugene kay medyo weirdo man uy. Ambot lang, dili ko makasabay sa iyang pagka-weirdo nga dili nako ma-explain.

Gi-add ko niya sa Facebook, ako na lang pud gi-accept aron dili siya malain.  Sa dihang ni-chat bitaw siya kay ganahan daw siya nga makaila siya nako og maayo. Wala gyud ko mo-reply sa nagpusot-pusot niya nga chat, kay dili gyud nako siya feel.

 Usa ka adlaw niana, samtang padulong nako out sa trabahoan, kalit bitaw siya nipatim-aw nako, naa siya sa gate.

Wala gyud koy mahimo. Kun di mapugos na lang gyud og tagad niya.  Manghagad daw siya dinner nako.  Kay naikog man ko nisugot na lang pud ko.  Nisulti siya nga nangutana siya sa uban nako nga friends about sa akong work maong natultulan gyud ko niya. Sa una namo nga date, medyo kiwaw gyud kaayo.  Apan sa dihang taas-taas na ang among istorya, akong na-discover nga bisan weirdo siya, cute man siya tutokan, ug nabantayan pud nako nga bright siya kay makasabay ra siya og bisan unsa nga topic.

Nasundan og kadaghan ang among date hangtod nga na-develop ko niya. Nidiskarte siya nako, apan niabot og duha ka bulan, diha pa nako siya gisugot kay maneguro sad ko uy.

Wala nako damha nga pag-abot og unom ka bulan sa among relasyon kay nagkabuwag mi. Kataw-anan ra sad kaayo kay  duha ka semana rami nagbuwag ug nagbalik ra pud mi.

Ang among giawayan kay ni-chat ang iyang ex, ug iyaha pud gi-replayan maong ako siyang gibuwagan. Na-realize nako nga immature ra kaayo ko, dili raman diay angay nga magselos uy kay ang chat sa iyang ex kay about ra sa ilang class reunion.

Ambot lang namong duha buwag-balik gyud ang among sitwasyon.  Duna pu’y time nga nagbuwag mi kay  wala ko niya tungaha sa among monthsary date. I think usa ka bulan mi nga nagbuwag niadtong higayona. Nagbalik ra sad mi kay amo ra  nga naistoryahan ug nag-sorry siya og maayo nako.

Naa pu’y time nga nga nagbuwag mi kay grabe siya kahubog samtang nanglaag siya sa iyang barkada. Nagkabuwag sad mi sa una kay gipalabi niya ang pagduwa og ML, mura’g usa ka bulan sad mi nga nagkabuwag niadtong higayona.

Ambot lang ni akong utok sa una. Medyo bata-bataon ra maong sayon ra kay nako nga buwagan siya. Apan bilib jud ko niya kay niantos siya sa akong batasan. Nagpabiling lig-on ang relasyon namo karon bisan paman sa among mga naagian.  Mo-request diay ko sa lyrics sa kanta nga Ikaw At Ako by Moira Dela Torre and  Jason Marvin.

Hi Dianne! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News