Love story

Dear Banat News,

Hello sa tanang avid readers sa Banat News, malingaw gyud ko mobasa segment ninyo nga  LOVE STORY matag Martes nagkadugay, nagkanindot pud ang story.

Ako diay si Niña Jane, 24 years old  ug  nag-work sa usa ka accounting firm. Duna  ko’y uyab karon iyang name  kay  Eric, 24 years old, nag-work siya sa usa ka LGU.

Kababata mi ni Eric hinungdan nga dugay na kaayo mi nga suod sa dihang wala pa mi nagka-uyab.

Nagkabuwag pud baya mi sulod sa taas nga panahon apan nagbalik sa wala damha. Grabe gyud ang among kasuod hinungdan nga nagka-developay dayon mi  kaniadto .  Nagka-uyab mi paggraduate namo sa high school.

   Sa dihang nagka-uyab mi, na-discover nako  ang batasan ni  Eric nga puwerting ngil-ara, maong nakahukom ko nga mag-friends na lang mi.

Dili siya mosugot ug grabe ang iyang pakiluoy apan hugot na gyud ang akong desisyon. Usa sa awayan namo permi kaniadto kay dumtan niya ang akong barkada nga permi nako kauban sa mga laag.  Gusto niya nga siya na lang permi akong kauban maong wala gyud ko kauyon sa iyang batasan.

Nagkabuwag mi ug wala na siya’y mahimo sa akong desisyon.  Dili ko ganahan nga matuok  ug mosunod sa iyang gusto nga dili makiangayaon. Sulod sa pipila ka bulan sa akong pagka-single, naila-ila nako si  Denden, 25 years old ug nag-work isip call center agent. Nagkaila-kaila mi tungod sa Facebook, iyaha kong gi-add, ako pud gi-accept kay daghan man mi og common friends.

Ni-chat siya nako, ug akong gisakyan ang sweet kaayo niya nga mga chat hangtod nagkasinabot nga magkita mi.

Nagsige nami og kita hangtud nga nidiskarte siya kanako. Ako pud gisugot si Denden kay buotan ug na-feel gyud nako ang iyang pagpangga dinhi kanako. Na-develop ra pud ko niya eventually.

Maayo ra ang dagan sa relasyon namo ni Denden, apan kalit lang nabugnaw gumikan kay nagsige og samok-samok ang iyang ex- girlfriend. Gusto sa ex ni Denden nga makigbalik kaniya.  Makalagot kaayo si Denden kay wala gyud niya prangkahi, iyaha na man hinuon gi-replayan ang chat sa iyang ex ug nagpakita og sign nga puwede ra sad sila magbalik. Tungod sa akong kalagot ,akong giingnan si Denden nga kun magbalik sila sa iyang ex, aw akong buhaton, magbalik sad mi sa akong ex, para patas.

Wala nako damha, nagpadala gyud si Denden sa iyang ex ug nagbalik gyud sila.  Nakaingon ko, nga gigamit rako ni Denden ug gihimo rako niya nga panakip butas. Nilungtad lang og lima ka bulan ang among relasyon ni Denden. Tulo ka bulan sukad sa among panagbuwag, nagparamdam og balik ang akong ex nga si Eric, ug iyang gisaad nga mag-usab na siya  hinungdan nga ako siyang gisugot. Nagkabalik gyud mi ni Eric ug nabantayan nako nga nausab na siya ug dili na siya magbuot kun manglaag mi sa akong barkada. Dili nami sige’g away.  Kataw-anan kaayo paminawon kay nadayon gyud ang kasabotan namo ni Denden, nga magbalik pud  mi sa akong ex,kun magbalik sila sa iyang ex. Alang kang Denden nga namiya og kalit, wala ko’y labot nga nagbalik mo sa imong ex , bisan sakit kaayo ang gibuhat nimo kanako, mapasaylo ra taka. Alang usab sa akong uyab nga si Eric, salamat kaayo sa pagpangga kanako, panghinaot nako nga dili mausab ang ngil-ad nimo nga batasan sa una.

Mo-request na lang ko sa lyrics sa Way Back Into Love by Hugh Grant.

Hi Niña Jane! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News