Love story

Maayong adlaw sa tanang suki sa numero uno nga mantalaan sa Cebu, ang Banat News, tawga lang ko sa pangalan nga Adelyn, 24 years old.

Isaysay lang nako ang story sa panagbalik  sa among relasyon ni Tristhan, 30 years old  ug nag-work isip manager sa usa ka fast foodchain. Nagka-uyab mi niadtong 2018 apan tungod sa mga kakulian nagkabuwag mi niadtong February 15 karong tuiga.

Naay higayon nga niuban ko sa laag ang among friends ug naa pud siya.  Pag-una medyo awkward, pero sa pagsige og istoryahanay, na-okay  na pud ug komportable nako nga moatubang niya.

Natayming sad nga puros pud mi wala maka-uyab og balik sukad sa among break-up.

Nagkabuwag gyud mi sa una kay na-busy kay ko sa akong work ug siya pud kay busy, maong wala na hinuon mi nagkasinabot.

Nagkaila mi tungod kay mag-schoolmate mi sa una unya magkaabot sa mga reunion sa among batch.

Moangkon ko nga dili ko kahibalo mo-balance sa akong time sa una hinungdan nga naapektohan gyud ang relasyon namo ni Tristhan. Nahulog na hinuon nga uyab mi if magkita rami. Wala na’y teksanay or chat. So pareho ming duha nga nawad-an og gana sa among relasyon niadtong higayona.

Hinoun karon, nagka-mature naman, kahibalo nako mobahin-bahin sa akong oras ilabi na sa lovelife.

Tungod kay nagsagunson man ang mga laag namo. Nagkasuod mi og balik ug nagka-jam og maayo  ilabi na sa mga laag sa lagyo nga lugar.

Niuban mi sa laag sa among barkada  sa Tabuelan, sa dihang naabot ang higayon nga nagka-heart-to heart talk mi og balik  ug naghisgot mi sa among kagahapon.

Niingon gyud siya nga wala pa gyud ko niya ilisi sukad mi nagkabuwag.  Sa pagsige namo og kuyog og laag daw, nibalik daw ang iyang feelings kanako.

Suweto na man ko sa iyang kabuotan nibalik ra pud akong feelings niya. Wala nami maglisod og adjust kay kaila na kaayo mi sa usa’g-usa. Nagkauyab gyud mi og balik niadtong   July 10, 2019.  Happy ra kay ko, kay smooth na kaayo ang dagan sa among relasyon. Mo-request diay ko sa lyrics ug chords sa  Bakit Ba Ikaw by Michael Pangilinan

Hi Adelyn! Thank you so much sa imong LOVE STORY! Paabuta ugma puhon ang imong request

* * *

Dear HUGYAWnatics, aduna ba kamoy LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News