Love story

Dear Banat News,

Maayong adlaw tanang tigbasa sa nag-unang mantalaan sa Sugbo, ang Banat News tawga lang ko sa pangalan nga Charise, 28 years old ug nagtrabaho isip usa ka call center agent.

Lima ka buwan nako nga single ug naka-move on nako sa katapusan nako nga nauyab.

Akong last nga nauyab mao si Arnie,  27 anyos  nga nag-work sa usa ka restaurant.

Nagkaila mi niya tungod kay nagka-jam mi sa Mango sa una kay gidala siya sa iyang friends nga kaila ra pud nako.

Wala gyud ko nagdahom nga magka-uyab ming duha kay dili gyud ko ganahan niya sa una  kay mura’g hambugeroon man gud ang linihokan niya.

Sa tinuod lang saputon baya ko niya sa una ug napugos na lang ko og tagad niya kay permi man gud mi sungugon sa among barkada. Natayming pud nga bag-o lang mi nagbuwag sa akong uyab sa una maong nakahuna-huna ko nga ako na lang sakyan ang mga sungog-sungog sa among friends.

Ganahan ko nga dali ra ko maka-move on sa akong uyab sa una maong gisakyan nako ang pagpa-cute ni Arnie dinhi kanako.

Sa grabeng effort niya naluoy man ko uy. Ako na lang siya gisugot bisan wala koy feelings niya. Wala jud ko mosaba nga wala koy pagbati kaniya aron dili siya malain.

Magsige na lang mi og away kay gamay nga butang ako mang dak-on maong gubot kaayo ang among relasyon sulod sa pito ka buwan.

Nagmahay baya ko nga nisulod ko og relasyon nga wala ko’y feelings. Paeta lage dili gyud ko happy.

Hangtud nga wala nako kaantos ako na gyud siya nga gibuwagan kay grabe na akong kaluoy niya. Ako siyang giprangkahan nga wala jud ko’y feelings kaniya.

Dili siya mosugot ulaw pa jud kaayo kay nagluhod-luhod gyud siya atubangan sa daghang tawo. Sa akong kaulaw, ako siyang gibiyaan kay dili gyud madala ang iyang gibuhat uy, OA ra kaayo.

Kahibalo ko nga bad ra kaayo ko nga pagkababaye. Nanghinaot lang ko nga makalingkawas ra ko kun pananglitan maabot kanako ang karma. Salbahis kay ko nga pagkatawo ug ako gyud gisaad sa akong kaugalingon nga dili nani nako usbon.

Mo-request lang ko sa lyrics ug chords sa Baka Sakali by Silent Sanctuary.

Hi Charise! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News