Giilisan og bag-ong uyab

Tawga nalang ko’s akong nickname nga  Chingkay. Kahibaw ka Medyo Maldito, malingaw kaayo ko og basa sa imong mga tambag diri.  Wala ko nag expect nga moabot ni nga time nga ako ang mangayo og tambag gikan nimo.

We were so happy. Mag 3 years na mi nga uyab and kana nga mga panahon, kuyog ra gyud mi pirmi. Ingon pa sa uban, sumpay na mi og tinae, ug hapit na gyud daw mi  magbaylo og nawong. Pagkaila nako niya, halos tanan, nagbag-o. Naa ko’y uyab before pero nakigbuwag ko tungod kay nailhan nako siya.

Opposite kaayo mi og batasan ni Jay. Siya hilumon, ako sabaan. Pero bisan pa og ingon ana,  happy gyud kaayo mi’s each other.

Until the time nga kinahanglan siya mag abroad. Naa man gud sa Dubai iyang tita, unya  naa’y gi-offer nga trabaho sa iya.    Ganahan pud siya mo lakaw kay dako kaayo ang offer ug nindot pud ang trabaho. Ako,  supportive ra pud kaayo ko niya.

I was thinking nga pwede raman pud ko moapas niya, mangita pud ko og trabaho didto aron magkuyog mi.

Pero sayop diay ko. After a month niya og stay sa Dubai, nagbag-o na ang  tanan. Nagbag-o na the way siya mo text, dili na kaayo mi sige og istorya on the phone, ug nagbag-o napud iyang password. Mao to, nag duda na ko. Nitukar akong pagka  imbestigador , ug na-hack nako iyang Facebook.

Naa na siya’y bag-o sa Dubai. SAKIT KAAYO. All caps kay di gyud mabangbang ang  kasakit. Three years mi, unya gibaylo ra ko niya’s 1 month? Asa ang hustisya ana? Wa nako kahibaw unsaon pag sugod og move on.

* * *

Sakit mabiyaan, pero mas sakit gyud na’ng mapulihan. Ang mas naka pait pa, gibaylo ka niya sa bag-o ra niya’ng nailhan.  Kasabot ko’s imong gibati ron, Chingkay. Maka-insecure oy. Three  years mo nag-uban, unya gibaylo ra ka’s tawo nga nailhan  niya’g usa ka buwan?

Lesson ni para sa atoang tanan. Dili  tungod dugay na mo, dili  na ka pulihan. Maong di gyud nato i-depend  atong kalipay sa usa ka tawo.  Karon, fresh pa kaayo ang nahitabo. Okay ra gyud nang dili  ka ka move-on diritso. Bahala’g  dugay maka move-on, basta kay di na mag hold-on.  Take your time.

First thing nga imong buhaton, dawata nga wala na siya. Dawata nga usa nalang siya ka lesson sa imong kinabuhi. Sayang imong ka gwapa kung maghilak ra ka pirmi niya. Nganong hilakan nga pwede man pulihan.

Pero  seriously, mas maayo nimong buhaton, makigstorya ka niya. Makigstorya ka niya para sa closure ninyong duha. Kay di man na pwede na’ng gipulihan ka niya, pag human mobalik siya nimo kung wala na sila.

Di ka back up plan ug labaw nga di ka second choice. Maglisod ka’g move on kung magsige ka’g huna-huna sa inyong past. Maglisod ka’g move on kung magsige nalang ka’g throwback. Pakigstorya sa imong tinuod nga mga amiga aron naa ka’y mapaambitan  sa imong mga gibati. Aron pud makasab-an ka nila kung magpagahi-gahi ka’g ulo.

Unta, tanan loyal nga babaye maadto sa seryoso nga laki. Kay sakit kaayo huna-hunaon nga kung kinsa pa to’ng mga loyal, sila pa to’ng mabinuangan ug mabiyaan.