Na-develop sa amiga

I’m Lester ug ganahan kaayo ko sa akong amiga. Mahadlok lang ko og confess niya kay basin madaot among friendship. Basin dili  nako niya tagdon kung makahibaw siya nga in love ko niya. Mas maayo nalang nga ingon ani ra mi kaysa sa mawala siya nako. Sakto ba ni akong desisyon? Patambag ko nimo, Medyo Maldito.

* * *

Naa’y mga post nga maigo ta bisag dili para sa atoa. Mura’g ikaw. Naigo ka niya bisag di ka para sa iyaha. Pero joke ra. Dili ka makahibalo kung ganahan pud siya nimo kung dili  ka mangutana. Dili  siya makahibaw nga ganahan ka niya kung dili  ka magpakita og motibo-kung dili  nimo siya pahibaw-on. Kahibaw ko mahadlok ka masakitan.

Kay sakit ma-inlove sa usa ka tawo nga dili  ka ma-love in return. Pero kahibaw ka unsa’y mas sakit ana? To love someone and never find the courage nga maingon sa iya kung unsa imong na feel. Mas maayo pa nga isulti   nimo niya kung unsa imong gibati bahala’g ma basted. Kaysa sa forever ka mag-wonder kung naa ba ka’y chance niya. Kung naa ba mo’y chance duha. Kung love gyud nimo siya, pahibaw-a siya. Let her know kung unsa imong gibati para niya. Life is short. Ingna lang gud siya nga love nimo siya, dili  man sad nimo siya pugson nga i- love ka in return. Kung dili  siya ganahan nimo, okay rana.

Wala  man sad na’y pugsanay. Ingon pa’s kanta ni Kurt Fick, “Di man ko man gud pasabot nga kung ako naibog nimo, kinahanglan sad gyud nga maibog pud ka nako. Wa man ko namugos, ako lang gyud ni’ng giantos ang pagbati ko nganha nimo. Pasagdi lang ko kay in love ra lagi ko kutob nimo.”

Kay kung tinuod ka nga nahigugma, you don’t ask for returns – you just do it kay kahibalo  ka nga diha ka malipay ug you make them happy by pouring all your love for them nga pagduha duha.