Valentino nga miambak sa bung-aw

Miabot gyud og usa ka tuig ang ilang relasyon ni Donato ug Melinda. Si Donato nagtrabaho sa usa ka arrastre sa siyudad ug usa na siya ka regular nga empleyado, samtang si Melinda nagtrabaho sa usa ka department store isip cashier sa maong tindahan.

“Nato, karong Sabado mao na ang Valentines Day, ug kinahanglan nga manuroy gyud ta ana,” ni Melinda ngadto sa ulitawo. “Ha, wa...wala man koy lugar anang adlawa, Lin,” hinay’g tubag ni Donato.

“Busy ko ana sa trabaho, kahibawo ka na sa pantalan nga kanunay nga dunay mga barko nga modunggo ug ako nga usa ka forklift operator kinahanglan nga naa gyud kanunay aron mo-pile sa mga kargamento sa barko.”

“Unsa, dili ka kalugar ana, unya unsaon na man na nga kinahanglan man gyud tang manuroy ana, kay uyab god ta,” ni Melinda.

“Pangita lang og lain, Lin, nga imong ikauban anang adlawa sa Valentines,” wala motan-aw ang ulitawo. “Aw, si...si Rufo diay, basin og duna siya’y lugar nga mokuyog nimo...”

Kini si Rufo mao ang uyab kaniadto ni Melinda. Wala sila magkabuwag ug giingon nga duna kunoy relasyon kining duruha pero sekreto lang. Ug dunay mitaho ni Donato, usa ka suod niyang higala, nga nakita niini  si Melinda ug Rufo nga nanago gikan sa usa ka motel.

Sa sinugdan wala motuo si Donato apan dihang iyang gisundan og hilom si Melinda iyang nasaksihan nga nanaka ang duruha sa usa ka motel ug dugay kaayong nanggawas. Dinhi ingon sa gitaopan og hait nga talinggab ang kasingkasing ni Donato. Ug nakahukom siya nga magpakamatay sa  mismong Valentine’s Day pinaagi sa pag-ambak sa lawom nga bung-aw.

Ug may gibilin kini nga sulat.

Melinda, sakit ... sakit palandongon nga ang akong gugma nahiagom sa limbong. Nasaksihan ko gyud kamong duha ni Rufo nga nanulod sa usa ka motel. Mahal ko ikaw, gihigugma ko ikaw, ug tungod niini, gikutlo ko ang kaugalingon kong kinabuhi. Ug happy Valentines na lang, Melinda ... Donato.

Ug mikurog ang kamot ni Melinda ug nakonsensya. (Katapusan)