Mapungot sa ‘walay forever’

Medyo Maldito,

Ako si Tanya, naa ko’y uyab karon ug happy kaayo ming duha. Three years na mi in a relationship sugod pa atong college pa mi. Karon kay naa nami work duha ug pareha gyud mi’g gitrabahoan. Perfect lang gyud kaayo. Anyway, di ko magpatambag about sa among relationship. Magpatambag lang unta ko unsay angay buhaton anang mga suyaon. Kay kami sa akong uyab, maingon gyud nako nga strong kaayo among relationship. Naa mi mga problems pero masulbad ra man namong duha. Samok lang gyud kaayo nang mga way uyab nga bitter kaayo. Ilang mga linya ra gyud kay “magbuwag ra mo”, “way forever”, ug kanang “mangamatay ra gihapon tang tanan.”

Unsa may maayo buhaton ana nila, Medyo Maldito? Unsa may akong itubag ana ilang mga “Wala’y forever”?

* * *

Nalipay ko para nimo, Tanya, nga nakita na nimo ang someone nga para gyud sa imoha. Imong pangutana, unsay angay buhaton anang mga suyaon? Pasagdan. Pasagdi sila masuya sa inyong relationship karon. Ingon nila, kill them with kindness. Pero ako, di ko motuo ana. Mas maayo nang kill them with silence. Ayaw kindness kay not everyone deserves your attention. Pwede pud nimo sila kantahan og DO RE MI. Do re mi fa su ya lang ka. Pero ang labing maayo nimong buhaton, be happy. Be happy kay samot na sila’g kasuya. Pero kanang mga ingon nila nga way forever ug kanang magbuwag ra mo sure ko nga joke ra na nila. Defense mechanism ra na’s mga single aron di kaayo sila masakitan sa kamatuoran nga wa sila’y uyab. Ang uban ana nila, single by choice. Pero mas daghan ang single kay no choice. Wa may manguyab. Since nangutana man ka unsay maayo itubag anang mo ingon nimo’g WALAY FOREVER, ingna na lang nga: “Unsay way forever? Naa may forever kay forever man kang single.”

Trust me, Tanya. Mo hilom gyud na sila.