Love Story

Dear Banat News,

Hi to all Banat News readers,  ako diay si Belle,16 from Carcar. Sa una dili gyud  ko motuo nga naa gyu’y  love triangle nga  maglibog ka kung kinsa imong sugton, Wala  ko gadahom nga mahitabo diay ni nako.

Naa ko’y duha  ka mga amigo,si  Babe nako ug si Myluv. Kining duha,   dili  ni sila kaila . Akong classmate si  Babe , ug si Myluv kay longtime friend nako. Bag-o pa lang ni sila nagkaila kay gaabot ming tulo sa pista.

Nagsugod mi og tawganay og  babe sa usa nako ka amigo  sa dihang niapil mi og contest sa school. Naa man siya’y gitawag unya ang  dungog nako kay babe, gisungog nako siya kay naa may gitupotupo niya. Wa ko kahibaw nga ako diay iyang gitawag og babe , sukad ato kay nagkasuod mi.  Later on nanguyab siya nako pero wa nako siya sugta pero magpaabot daw siya.  Suod kaayo siya sa akong auntie. Duna’y usa kagabii, samtang nangadto mi sa akong auntie sa  simbahan para mangumpisal, nakit-an namo si Myluv kuyog ang iyang mga amigo. Napa mi sa layo gisugat dayon ko niya’g tawag og Myluv.

Na-shock jud ko ato unya ako ra siyang gikataw-an nya nilakaw ra pud mi dayon. Wala mi kahibaw sa akong auntie  nga naa diay gasunod sunod namo, amigo ni Myluv. Medyo nakulbaan jud ko kay gibiyaan ra man ko sa akong auntie mao to nga niadto ko ni Myluv ug ako na lang gisakyan. Sukad ato magkita gani mi lahi na jud iyang treatment nako nga mura gyud  ko niya’g uyab. Medyo na-guilty ko kay maayo baya ang usa nako ka amigo nga akong Babe.

 Pagka- December naa koy nahibaw-an nga naa diay uyab si Myluv , nasakitan gyud  ko mao to wala nako’y gana nga motagad niya. Nya si Babe  kay nisamot pa gyud  og ka-sweet nako. After two weeks nangutana si  Myluv kung nganong dili ko  motagad niya . Ako  siya gisultihan sa rason apan nitubag dayon siya nga dugay na sila  nga buwag sa iyang uyab.

Sa miaging semana,  naa’y pista sa lugar sa akong papa. Nahibong ko nganong naa didto si Babe nga  layo ra man ilaha,  akong nahibaw-an nga naa siya’y ig-agaw didto . Si Myluv kay  tua pud kay taga didto man iyang papa. Pagkagabii ana, naay jamming,  nilaag ko kuyog akong mga ig- agaw  ug naabot lang og kalit si Myluv sa among tapok .  Pagtaudtaud naabot pud si Babe uban pud ang iyang mga ig-agaw. Nisulti ang iyang ig-agaw nga ako daw ang dream girl  ni Babe maong grabe ang sungog sa mga tawo ato. Gikilig jud ko kay laliman mo gailog sila nako,  pero   naguol pud ko kay naglibog ko kay dili pa man ready nga makauyab  ug naluoy ko nila kay dugay na sila og sigeg pinaabot kung kinsa akong pilion. Request lang diay  ko sa lyrics sa kanta nga Sometimes Love Just Ain't Enough.

* * *

Hi Belle ! Thank you so much sa imong LOVE STORY! Paabuta ugma puhon ang imong request.

Dear Kalandrakistas, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron masabtan gyud.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas & D. Jakosalem Streets

Barangay Sto Nino

6000 Cebu City, Philippines