Saksi sa kawad-on

Gula  28

Daling mitalikod ang babaye apan dali usab nga nakagunit si Mylene sa bukton niini.

"Kadiyot lang  please," ni Mylene pa nga mihangyo nga dili talikdan sa babaye midugang sa pag-ingon si Mylene, "ikaw ba si Pia? Kun ikaw mao please gusto lang kong makigsulti nimo. Wa ko’y laing tumong gawas nga gusto kong masayod sa tanan ikaw ba si Pia?" subling pangutana ni Mylene nanghupaw una ang babaye.

"Oo ako," matud pa sa babaye nga mao diay si Pia "pwedeng magsultihanay ta?" ni Mylene.

"Mohangyo ka nga palay-an ko ang inyong anak? Gibuhat ko na ang pagpalayo niya," matud pa ni Pia" pwede og mangita ta'g dapit nga pwedeng magkasultihanay ta'g maayo?" hangyo ni Mylene sa dalaga"para sa unsa pa man? Wa na man siguro tay angay’ng panagsultihan wala na mi si Kyle," matud pa ni Pia. "Daghan lang kong gustong masayran mga pangutana nga gusto kong hatagan og tubag nasayod ko nga nasayod ka sa tubag sa akong mga pangutana pwede ba?" matud pa ni Mylene.

"May daghan pa kong atimanon sa balay tuod mao ni kinamanghuran kong igsoon atimanon ko pa siya," ni Pia pa.

"Makapaabot ko kun kanus-a ka mahuman sa imong bulohaton" pulong pa ni Mylene nahilom si Pia ingon og dunay gihuna-huna nanghupaw.

"Sige bahala ka pero unahon ko una ang akong pamilya pag-atiman," matud pa ni Pia misunod kang Pia si Mylene paingon sa panimalay niini. Nakita ni Mylene kun unsa kagamay ang balay nga gipuy-an sa pamilya sa babaye nga gihigugma sa anak. May usa ka kuwarto nakita sab ni Mylene nga usa ka hamtong nga lalaki nga naglubog sa katre nga daut kaayo upat silang managsoon si Pia, siya ang kinamaguwangan ang sunod niya usa ka lalaki nga nagpangidaron og 17 anyos, nag-eskuwela sa high school. Sa pangidaron niini naa na unta kini sa unang ang-ang sa kolehiyo apan kay lagi lisud ang ilang panginabuhi magsige kini'g undang-undang busa sa pangidaronn nga 17 anyos naa pa sa ikaduhang ang-ang sa high school ang manghud niining lalaki. Ang ikatulo nag-edad pa lang og 10 anyos nagtungha sa elementary ug ang kinamanghoran, nagpangidaron og 4 anyos. Nasayran ni Mylene nga may cancer sa bukog ang amahan ni Pia hinungdan nga naa kini kanunay sa iyang higdaanan dili makabarog. Nagpaabot nga kuhaon sa Ginoo ang hinulamang kinabuhi nagtan-aw lang si Mylene samtang busy si Pia pag-atiman sa iyang mga manghud gihungitan ang amahan. Naingon og siya ang amahan ug inahan sa pamilya nakita gyud ni Mylene kun unsa ka lisud ang kahimtang ni Pia usa ka butang ang wala ipangutana ni Mylene kang Pia ang mahitungod sa inahan niini. Samtang nagtan-aw sa kahimtang nilang Pia si Mylene, mura’g gikumot ang iyang kasing-kasing daw aduna siya’y mahinumdoman. Human mahungiti ni Pia ang amahan nga paralisado giaswat kini sa babaye mi-aksiyon si Mylene pagtabang apan misenyas si Pia kaniya nga okay ra nga siya ra ang moagak sa amahan paigon sa ligoanan.

Nanimaho na man gud ang amahan kay diha sa katre nagpagawas sa hugaw wala mabutangi'g diaper kay tungod sa kakapoy gikan sa trabaho milahos na lang kini sa iyang higdaanan. Sa banyo samtang nagligo si Pia sa amahan milili si Mylene.

"Hmmm...humot na ang akong papa dili na bahong piot-piot," ni Pia pa nga nakigsulti sa amahan. Ingon og mingob lang ang amahan kay maglisud na man og buka sa baba kay apiktado na ang bukog diha sa iyang apapangig. Mingob nga ingon og nagpasalamat sa anak may pahiyom ang ngabil sa amahan mipahiyom usab si Pia sa amahan ug nagkanayon "ayaw kabalaka pa kutob sa akong mahimo maningkamot ko. Ayaw lang gyud pagpakawala sa paglaum ha maayo ra lagi ka bahala na'g mabuktot ko sa pagtrabaho basta mapalit ko lang ang mga tambal nga imong gikinahanglan. Sagdi lang usa ning mga adlawa kun makatigom na ko'g  dako-dako ipa-chemo tika.

Maayo ra lagi ka," matud pa ni Pia dayong halok sa agtang sa amahan ug mihalok sa aping niini. Wala kapugngi ni Mylene ang pagtulo sa iyang mga luha samtang nagsud-ong sa anak nga miatiman sa masakitong amahan. Anak nga dili igsapayan ang kakapoy maserbisyohan lamang ang pinanggang amahan. (Sumpayan)