Pagpangga ni Papa

Gula 34

"Ha?!!" Bugtong pulong ni Arturo nga nagpamahid sa iyang luha. Wala diay siya makamatikod nga samtang naghunahuna siya sa anak wala mabantayi nga mitulo na diay ang iyang mga luha.

"Unsa may nahitabo nimo brad? Kuyawan man sab ta nimo oy pwerti gyung pangagas sa imong mga luha nga milapos sa bongbong ining sakyanan ang huna-huna. Gibuwagan siguro ka sa imong uyab brad," matud pa ni Victor nga mingisi ug mitapik sa abaga ni Arturo.

"Hah! Wala pa mahitabo nga mihilak ko'g babaye brad sila maoy mihilak nako nungkang ako ang mohilak nila. Kahayay ra pod nila nga akong hilakan," matud pa ni Arturo nga mipahiyom na lang. "Unya, nganong mihilak man ka?" Matud pa ni Victor.

"Bitaw brad bisan og alerto mi dire sa dalan nga gi-agian ining van pero nasiplatan ka namo nga naghilak," matud pa ni Maning nga ang mga mata tua sa gamay’ng bintana sa van kanunay alerto.

"Wala oy naa ra koy nahinumduman,” rason pa ni Arturo.

"Ayaw ana brad ipadaplin una nang problema sa balay kun naa ka sa trabaho nahibawo baya ka kun unsa ka delikado ning atong trabaho. Way oras nga moatake ang mga tulisan. Kinahanglang alerto kanunay focus sa trabaho," matud pa sa usa nila ka kauban nga si Berting.

"Sorry mga brad  nadala lang ko sa akong emotion," matud pa ni Arturo.

"Estoryahan lang unya na natu ngadto sa grahe-an brad kun unsa may imong problema imnan lang unya nato'g hata-hata," matud pa ni Victor dayong katawa nga ang mga mata tua nakapuntarya sa gawas sa ilang giagian.

"Hilom na mo kay hapit na ta maabot sa bangko,"  matud pa ni Berting.

Samtang si Carlo usab samtang naghuna-huna sa pagpangga sa amahan nagtubod ang mga luha. Nagsige’g hingos samtang nag-usap. Wala na gyud siyay ikasulti pa sa iyang papa kun pagpangga na ang hisgotan. Mitiwas sa iyang pagkaon si Carlo. Human makakaon, nanghugas sa kinan-an.  Dihang nahinlo na niya ang kusina niadto sa sala ug gikuha niya ang kwarta nga gibilin sa iyang amahan kaniya gikomkom ug miadto sa iyang kwarto. Gibati pa ni Carlo ang kalapoy sa lawas tungod sa pagpagawas niini makaupat ka higayon kaduha kang Lina ug kaduha usab ngadto kang Eser walay plano nga mosulod sa klase si Carlo, maoy gusto niini nga matulog tibuok adlaw. Pamawi sa nakuhang kusog gikan niya. Apan nakahunahuna una ni nga maligo una matulog. Dihang nakahubo na sa tanang sapot may nabantayan siya sa iyang liog may kiss mark kini. Wala siya mahibawo kun si kinsa ang nagbuhat niini. Sa samin nabantayan usab niya ang lagom sa iyang nawong agi sa pagkulata sa iyang amahan kaniya. Gihikap niya kini sakit-sakit pa. Nanghupaw na lang si Carlo ug nagkanayon sa iyang kaugalingon "ikaw man gud Carlo. Nagpabadlong ka man sa imong amahan. Tan-awa, naka-ani hinoon ka’g black eye," ug nanghupaw og mas lawom pa. Dayong miadto sa banyo aron maligo.

Human makaligo og makasul-ob nag boxer shorts mihigda ug gihuna-huna niya ang nahitabo nila kang Lina mipahiyom ang lalaki milingo-lingo. Gihunahuna kun unsa ka maayong modala si Lina sa kama.

Wala gayud siya mahigawad gitagsa-tagsa paghunahuna ni Carlo ang gibuhat ni Lina niya. Medyo nanginit ang lalaki may kalit nga mibugol sa iyang gisul-ob nga boxer shorts nga gustong moresist sa gitaguan niini gihikap kini ni Carlo, apan sa kalit lang napawong kini og kalit dihang may lain siyang nahinumduman sa nahitabo niya nga wala niya pangandoya nga mahitabo. Nakapangutana ang lalaki kun nganong nahitabo man kadto.

Ngano sa usa lang ka pagpamilok nahitabo man ang tanan. Mi-kuliswaot ang panagway sa lalaki. Wala maka-uyon sa misulod sa iyang huna-huna wa sa iyang plano kadtong tanan kalit nga nawala na hinoon sa iyang mood ang lalaki. (Sumpayan)