Dro Arts

Gula 23

"Unya, unsa may akong ikatabang nimo?" Pangutana pa ni Carlo.

"May gamay pa kong butang didto sa kanhi kong giabangan, dili madalag ako ra. Pwede'g tabangan ko nimo?" Pamarayeg pa sa babaye.

"Sige, wa man sad ko'y lingaw." Pag-uyon pa ni Carlo. "Dali, kuyogi ko. Adto ta sa kanhi ko'ng gipuy-ang kwarto kay ugma, naa na kono'y bag-ong moabang didto." Hinay nga gibira ni Lina si Carlo.

Pag-abot sa duha sa kanhi niining giabangan, medyo hawan na. May duha ka bagahe kilid sa katre.

"Kini na lay akong aswaton kay medyo daku-dako, kana lang imong gamay." Matud pa ni Carlo nga mialsa na sa maong bagahe, apan si Lina, mipaingon sa pultahan sa kwarto ug gisirad-an kini. Gi-lock ang pultahan. Hinay nga mipaingon sa nagbarog nga si Carlo nga nagbitbit sa maong bagahe. Wala makatingog si Carlo kay lain na man og tinan-awan kaniya si Lina. Tinan-awan nga adunay buot ug gustong mahitabo nilang duha.

"Sa dili pa ko mopahawa ining baya ug makabalik sa amoa pagpuyo, kinahanglan nga mahitabo ang dugay ko nang gustong mahitabo," matud pa ni Lina. Mga pulong nga gidunganan og pamaak sa iyang mga ngabil diin ang mga mata sa babaye nagpangamay ug nag-agni sa usa ka kaliwat ni Adan nga moingkib na sa mansanas nga gidunol niini. Mansanas ni Eba nga si bisan kinsa dili makabalibad.

Hinay nga gihubo ni Lina ang blouse nga gisul-ob niini. Samtang si Carlo nagpanlad-ok. Gusto na sab nga modawat sa gitunol nga mansanas aron sa pag-ingkib niini. Nahasiga ang mga mata ni Carlo kay hinay nga mihikap sa iyang atubangan ang babaye. Dayon milihok kini paingon sa luyo sa lalaki samtang ang mga kamot milihok usab paingon sa ibabaw nga bahin hangtod nga naabot sa may dughan ni Carlo.

Gibalik sa babaye ang mga kamot sa ubos ug gipangita ang sidsid sa iyang t-shirt. Dihang napahimutang na ang duha ka kamot ni Lina sa sidsid niini giisa kini ug si Carlo daw usa ka ulipon nga way mabuhat sa gibuhat sa iyang agalon kaniya. Nagpatara nagpaabot sa sunod nga mahitabo. Dihang nahubo na ni Lina ang t-shirt nga gisul-ob ni Carlo, milihok na usab ang kiriwan niyang kamot paingon sa abs sa lalaki hinay nga misaka paingon na usab sa iyang dughan.

Gipangita sa duha ka kamot ang duha ka atngal sa lalaki ug hinay nga gihikap. Mga lihok nga inanay nga mipukaw sa pagkalalaki ni Carlo. Samtang nagmaniho ang duha ka kamot ni Lina, may init nga midapat sa tangkugo sa lalaki.

Halok sa kaliwat ni Eba nga mipasamot sa gibating kainit sa kaliwat ni Adan. Human sa pipila ka minutong paghalok ni Lina sa luyong bahin ni Carlo ug samtang nagsige’g pislit sa duha ka pasas sa lalaki  ang kiriwang kamot, hinay na usab nga milihok paingon sa ubos.

Gipuntarya ang butones sa gisul-ob nga cargo shorts sa lalaki apan inay ablihan ni Lina, gisiguro una kini kun napukaw na ba ang nahikatulog nga halas aron maoy moingkib sa mansanas ni Eba.

Mipiyong ang lalaki. Gipamati ang kiriwang kamot nga mihinol sa iyang pagkalalaki  nga kaganiha rang nagmata. Human masiguro ni Lina nga adunay gustong mogawas gikan sa iyang gitaguan, dali kining giablihan ang butones ug gipaubos ang zipper aron usa na lang ka babag ang mosalipod sa gusto niining mahikap. Dihang nahiram na ni Lina ang gustong mahiram, inanay kining miagulo. Agulo nga daw musika sa pandungog sa ulitawo. Gipaubos ni Lina ang gisul-ob nga Cargo shorts ni Carlo. Milingkod si Lina sa hilit sa iyang katre. Gigunitan ang duha ka bat-ang sa lalaki ug gipaliso niini aron makita ang atubangan sa lalaki. Nahingangha si Lina, paghingangha nga adunay kahinam.

"Wow, this is it...this is it. Maangkon na gyud tika, Carlo," matud pa ni Lina nga may kahinam ang tono. Apan medyo hagawhaw pinugngan aron way makabati nga laing tawo nga nagpuyo sa pikas nga kwarto nga sama kaniya mangangabang pud.

"Dugay na sab kong nagpantasya nimo Lin," matud pa ni Carlo. (Sumpayan)