Paasa o pag-asa?
Hi Medyo Maldito, ako si Queenie. Naa koy amigo ug close kaayo mi. Sweet pa gyod kaayo siya. Mangutana lang unta ko kung unsa ang mga signs nga gipaasa ra ka sa lalaki? Mahadlok man gud ko basin pa-fall ra ni siya. Unta matabangan ko nimo. Daghang salamat!
Queenie
* * *
Hi Queenie! Naa koy mga ma-share nimo nga timailhan kung dili seryoso ang laki nimo. Pero unya ra nako ni ihatag, naa sa ko'y mga pangutana. Ingon ka, close ug sweet mo sa usa'g-usa. Sigurado ka nga sa imo ra siya sweet o sweet siya sa tanan? Close gyod mo o friendly lang gyud siya? Basin mapareha ka sa uban nga maghilak-hilak kay gipaasa daw sila. Sila raman diay assuming. Maghilak kay tanan butang, ila mang hatagan og meaning. Murag-dictionary. Pero kung lahi ra gyod ang iyang pag-treat nimo compared sa ubang babae, mao ni akong mahatag nga signs kung di siya seryoso nimo.
Kung mura siya og ulan, di na siya seryoso nimo. Mura'g ulan nga kalit lang mawala, paghuman mubalik na pud. Maypa ang ulan, naay forecast, makahibaw ka kanus-a mobusdak. Di pareha niya nga mo-text o motawag lang kung wa siya'y lingaw. Mas maayo pa gani ang ulan ug bagyo kay naay PAG-ASA. Kamo? Kung dili siya ingon ani, naa gyud moy pag-asa. Pero kung ingon ani siya, paasa ra na.
Kung mura siya og ungo, di na siya seryoso. Mura og ungo nga magparamdam, unya mawala. Usahay sweet kaayo siya nimo, usahay dili. Mag sige og "I miss you" pero pagsunod adlaw, wala’y text bisag, "good morning" na lang. Kung ang iyang rason kay BUSY siya maong di siya makastorya nimo, ayaw og tuo. Way tawo nga busy 24/7. Kung seryoso gyod siya nimo, mangita gyud na og pamaagi nga maka istorya ka. Way tawo nga busy kung ikaw ang priority. Aron di ka masakitan, Quennie, ayaw lang sa gyud pag-in love in love. Kung nalipay ka sa relationship ninyo karon as friends, i-enjoy lang. Sakit raba mahulog labaw na kung way mo-catch nimo. Basin ma-MMK (Maalaala Mo Kaya) ka. Pahilakon na ka, wa pa gani ka kahibaw sa title ninyong duha. Ayaw gyud pailad kay ang gugma, mupasakit ra ba na og tanga.
Medyo Maldito
* * *
Gusto ka bang magpatambag? Suwata kana ug ipadala pinaagi sa: [email protected]
- Latest
