Daman sa udtong tutok

Ang kang Orlan dili sama kadako sa kargada sa duha ka lalaking nalambigit sa akong kinabuhi. Apan wala ko kini hatagi’g gibug-aton kay alang kanako, size doesn’t matter.

“Mao diay kanay gilayasan sa imong asawa?” matud ko nga nakakataw-onon.

“Oo,” ni Orlan pa. “Dili kuno ko makahatag kaniya sa hingpit nga kalipay sa among panaghilawas.”

“Lahi tingali siya’g panud-ong bahin sa sex,” nako pa. “Kay alang nako, dili importante ang gidak-on sa kargada sa lalaki. Ang mahinungdanon mao nga gimahal ko siya. Mabaw ra’y kalipay ang babaye nga sex ray giapas.”

Nahilom si Orlan. Apan pagkataudtaod, may gipangutana siya kanako.

“Gimahal mo ba ako, Dar?” niya pa.

“Nga-nganong nakapangutana ka’g ingon niana?” sukit nako kaniya. “Tungod kay miingon ka man nga dili importante nimo ang kadako sa kargada sa lalaki, kun dili ang pagmahal mo kaniya,” matud ni Orlan. “Kay nakig-sex ka man kanako, sabton ko ba kini nga may pagbati ka alang kanako?”

Wala ko makatingog. Nahiunlod ko sa lawom nga pagpamalandong.

“Tubaga ko, Darlene,” ni Orlan pa. “May pagbati ka ba usab alang kanako?”

“Di ko makatubag nianang maong pangutana, Orlan,” giingnan ko siya. “Wa ko makasabot sa akong kaugalingon. Ang naseguro ko lang mao nga naluoy ko nimo. Gaan kaayo ang akong kabubut-on kanimo.”

“Tingali,” niya pa nga mitutok kanako. “Gimahal mo na ako.”

“Ambot lang,” nako pa. “Unya, ni Orlan. “Ang imong bana.”

“Ayaw na paghisgot kaniya,” matud ko.“Buwisit siya sa akong kinabuhi.”

Ug sa laing higayon, gisaw-an namo ni Orlan ang lawasnong kalipay. Gisubli kini namo sa makadaghan niadtong gabhiona.

Sukad niadto, kada gabii na kami ni Orlan nga magtagay sa lawasnong kalipay sulod sa iyang katulganan sa garahe. Usahay, siya ang mosulod sa akong katulganan sa servant’s quarter. Natagbaw ako sa panaghilawas namo ni Orlan.

“Nalipay ka ba sa atong gihimo?” kausa niana nangutana si Orlan kanako.

“Siyempre,” matud ko. “Kun wala pa, masubli kaha sa makadaghan kining nahitabo kanato?” -- Sumpayan pa