Daman Sa Udtong Tutok
Gula 34
“Lahi ako sa ubang lalaki, Darlene,” nagkanayon si Rafael. “Praktikal ko. Dili na uso karon ang virginity. Lisud na ang pagpangita’g birhen nga babaye karong panahona.” Wala gihapon ko motingog. Igo lang ko nga mitutok kang Rafael.
“Wa ko’y labot sa imong kagahapon, Darlene. Ang importante alang kanako mao ang imong karon. Ang akong nadiskubrehan dili makapausab sa kadako sa akong gugma kanimo,” matud ni Rafael.
Sa akong nadungog, wala ako makapugong sa kaugalingon. Migakos ako kang Rafael. Migakos usab si Rafael kanako.
Sa laing higayon, gisaw-an namo ang kalalim sa lawasnong kalipay. Makadaghan namo subli-sublia pagkatkat ang hagdanan sa langit sa wala pa kami manggawas sa motel nga among gisudlan.
Sukad niadtong unang higayon sa pagsulod namo ni Rafael sa motel, kada Domingo na kami nga manuroy. Human sa among pagpanuroy, adto gyud kami mosangko sa motel aron pagtagay sa lawasnong himaya. Gitagbaw namo ang among kaugalingon.
Usa ka higayon niana, nananghid si Rafael kanako nga mopauli siya sa Negros. Nakadawat man gud siya’g text nagpahibawo nga nasakit ang iyang inahan. (Sumpayan)
- Latest
