Daman sa udtong tutok
Bisan og gibalibaran nako si Rafael sa gihalad niyang gugma, apan wala gayud siya mohunong sa pagpangulitawo kanako. Hangtod nga ang akong agalon nga babaye ingon sa nakamatikod na nga naninguha si Rafael kanako.
“Buotan baya kana si Rafael,” matud ni Ma’am Vanny usa ka higayon niana nga nakahigayon siya sa pagpakigsulti kanako. “Sa kapin sa usa ka tuig na niyang pag-alagad kanamo, wala gayud kami ikasaway kaniya.”
Wala ako motingog sa gisulti ni Ma’am Vanny.
“Pero anaa ra kanimo ang desisyon. Dili ko mag-apil-apil sa private affair sa akong mga trabahante. Gawas pa, bata ka pa usab. Menor de edad pa,” matud sa agawon ko nga babaye.
Usa niana ka adlaw, nakahigayon na usab si Rafael sa pagpakigsulti kanako. Naningil na usab siya mahitungod sa gugma nga iyang gipadayag kanako. Niining higayona, ingon sa maglisod na ako sa pagpabalibad.
“Sige, Rafael, ako na ikaw nga gisugot,” giingnan ko siya.
Labihang lipaya ni Rafael sa akong desisyon. Apan sa akong bahin, wala ko kalikayi nga mobati’g kakulba ug kabalaka kun unsay mahitabo sa higayon nga masayod si Rafael nga dili na ako birhen nga pagka babaye.
May misantop nga hukom sa akong hunahuna. (Sumpayan)
- Latest
