Daman Sa Udtong Tutok - Gula 28
Dili usab mahimong tug-anan ko si Rafael nga dili na ako ulay nga pagkababaye. Tingali’g maulawan lang unya ako ug magpalayo siya kanako.
Milabay ang usa ka bulan sukad sa pagpangulitawo ni Rafael kanako. Usa niana ka hapon, nakahigayon siya pagsukna mahitungod sa iyang gugma.
Gibalibaran nako siya, apan ingon sa nagmapugsanon siya.
“Unsa may hinungdan, Dar, nga nagdumili ka man pagdawat sa akong gugma? Lisud ba ako nga higugmaon?” matud ni Rafael.
Naglisod ako pagtubag sa iyang pangutana. Naapiki ko sa mga pangutana nga gipasabot ni Rafael kanako.
“Tubaga ko, Darlene,” ni Rafael pa.
“Ku-kuan man gud, Rafael,” matud ko. “Ang tinuod, mahadlok ko nga makigrelasyon og lalaki.”
“Apan ngano man?” niya pa.
“Wa pa ko makasuway sa pagpakigrelasyon og lalaki,” gipasabot ko siya.
“Wala kay angay kahadlokan. Mas maayo hinuon nga imong suwayan ang pagpakigrelasyon sa usa ka lalaki aron masinati nimo ang kalalim nga bation kun ikaw nahigugma ug may nahigugma usab kanimo,” matud ni Rafael.
“Basta, dili ko. Dili pa ko andam. Hinaot nga makasabot ka,” ako siya nga giingnan.
“Nakasabot ko Dar,” niya pa. (Sumpayan)
- Latest
