Negatibong hunahuna

Dear Tita Salie,

Tagoa lang ko sa pangalan nga Cyrus Isaac, 20 years old from Tacloban City. Ang akong problema kay pirme lang ko nga maghunahuna og negatibo sa akong kaugalingon. Para nako, wala ko’y nabuhat nga matarong. Ngano nga ingon man niini ang pagtan-aw nako sa akong kaugalingon? Pasabta ko Tita Salie.

* * *

Dear Cyrus,

Basin mobati ka nga pakyas tungod kay may kasinatian ka nga dili maayo o di ba kaha dinagmalan ka sa imong mga ginikanan.

Kini maoy pipila ka butang nga maghunahuna ka’g negatibo sa imong kaugalingon. Ayaw hunahunaa nga wala ka nay mahimo.

Himoa nga positibo ang imong panlantaw. Wala may perpekto kanatong tanan. Ikaw mao gayud ang una nga makasulbad sa imong problema.

Saligi ang imong kaugalingon nga mahimo nimo ang gusto nimo nga buhaton ug think positive. -- Tita Salie