Dili mananghid

Dear Tita Salie,

Just call me Rev, 13 years old, nag-eskuyla pa ko. Bahin sa akong brother kining akong problema kay manguha sa akong mga gamit nga dili mananghid, dili g’yud ko moangay, Tita.

Kun mosulti ko ni mama, kami’ng duha maoy kasab-an. Unsaon man nako ni’ng akong brother? Pasabta ko.

* * *

Dear Rev,

Sa dili ka pa mosulti sa mama nimo, matag panahon nga aduna’y butang nga hilabtan sa imong brother, sultihi pag-una ang imong brother nga dili maayo ang iyang gibuhat.

Hinaya lang pagsulti ug pangutan-a kun unsa’y iyang bation kun ikaw ang manghilabot sa iyang gamit. Sa ingon niana, imong mahibaloan kun unsa’y iyang bation kun hilabtan ang dili iya. Kay kun imo siya nga kasab-an kay manguha, unya masuko pud siya, mag-away mo. Pananglit mopadayon gihapon ang imong brother nga manguha sa imong butang, aw anha pa nga itug-an nimo kini sa imong mama. Kun tambagan ka ‘sab, ayaw kapikal ug ayaw pagtubagtubag. Sunda ang tambag sa Bibliya nga nagaingon:

“Si bisan kinsa nga nagapugong sa iyang pulong may kahibalo, ug ang tawo nga wa’y katakos sa pag-ila may mabugnaw nga espiritu.’’ – Tita Salie