Daman Sa Udtong Tutok - Gula 14
Nagkauyon kami nila ni tatay ug nanay nga dili kami magpasabot ni kuya Cain nga gitug-anan ko na sila sa gibuhat niini kanako aron dili kini makabantay.
Nagplano man gud si tatay ug nanay nga ipabilanggo nila ang akong maguwang. Mao nga naningkamot kami nga dili mamatikdan ni kuya nga nasayod na ang among ginikanan sa iyang paglugos kanako.
Lakip ang gihimo ni Coco kanako didto sa tubod ako ‘sab nga gitug-an sa akong mga ginikanan.
Gisugilon nako ngadto nila ni tatay ug nanay nga si Coco, ang barkada ni kuya Cain, nakakita sa paglugos ni kuya kanako ug nga buot usab kining modimdim sa katam-is sa akong pagka-babaye.
Mihinok kami si tatay Barlo sa pagdangop sa barangay kapitan. Gitabangan kami sa barangay kapitan sa pagpaabot sa among reklamo ngadto sa kapolisan.
Ang tanan gayud akong gisaysay sa mga awtoridad. Misugyot sila nga si Coco maoy pabarugon namo nga saksi batok sa akong maguwang nga milugos kanako.
Usa ka udto niana, nakugang na lang si kuya Cain diha nga may mga polis nga miabot sa among balay. Dakpon na nila si kuya Cain. (Sumpayan)
- Latest
