Night market
Giteksan ni Cesar si Alma ug gidaygan sa iyang gibati nga kamingaw bisan usa pa lang gani ka adlaw nga wala sila magkita.
Ang tinuod, wala maglimod si Cesar. Mura’g haw-ang ang iyang gibati nga niini’ng gabhiona wala na niya makita si Alma. Sagunson ang mga gabii nga aduna pa’y night market nga adto gayud siya mokaon sa tindahan sa dalaga sa dalan Colon.
Taud-taod, nakadawat og reply si Cesar gikan ni Alma. “Pagsyur diha Sar uy. Ngano gud tawon nga ma miss man ko nimo.” Igo g’yud nga nahuman og basa si Cesar sa text, may laing message nga nadawat si Cesar gikan gihapon kang Alma.
“Dia man ko karon sa Metro, nagsuroy-suroy ko, palabay sa oras,” matud ni Alma. Nakahukom si Cesar nga iyang pakigkitaan ang dalaga aron katambalan ang iyang kamingaw.
“Moanha ko Al, puwede?” matud ni Cesar sa iyang gi-send nga text message. “Dali, wa man ko’y kauban,” reply ni Alma. Tuod, nagdali si Cesar nga mibiya sa fast food restaurant nga iyang gikan-an.
Paspas nga milakaw si Cesar paingon sa Metro. Mura’g naghinam-hinam siya nga ikakita si Alma. “Dia ko foodcourt kay mitan-aw ko sa zumba,” matud ni Alma sa laing text message.
Mideritso si Cesar pagsakay sa taas. Gipaliraw niya ang iyang mga mata sa pagpangita kang Alma. Apan kalit may migunit sa iyang abaga gikan sa likud.
Sa iyang paglingi, si Alma ang iyang nakita nga nagpahiyom. (Sumpayan)
- Latest
