May gitago ang kangitngit

Gula 77

“Nag-anam na og kabisto nga ang maestra nga si Mrs. Biangca Tommi may kalabotan sa pagpamatay sa mga bata’ng babaye dinhi sa Tinago,” giingnan ni SPO1 Nicko Bernal ang tulo ka kaubang polis.

Tuod man, niana’ng pagkagabii, gipanid-an na usab nila ni Nicko si Mrs. Tommi. Gipaabot nila nga mogawas kini sa iyang gipuy-an.

Ang maestro lang ug ang iyang bugtong anak babaye ang nagpuyo sa balay kay ang bana niini nagtrabaho man sa gawas sa nasud.

Apan wala mogawas sa balay ang maestro. Sayo hinuon kini nga namalong sa mga suga. Alas 11 sa gabii, may nakita sila si Nicko nga anino sa tulo ka tawo nga mikatkat sa koral sa balay ni Mrs. Tommi ug miambak ngadto sa sulod.

Nangandam sila si Nicko kay nagtuo sila nga daotan og tuyo ang maong mga tawo.

Mipaduol pa gayud og maayo sila si Nicko sa balay ni Mrs. Tommi. Wala madugay, nakita nila nga misiga ang suga sa usa sa mga lawak sa balay.

Unya nagkabanha sa sulod. Pagkilab sa pipila ka gutlo, mipaka ang sunod-sunod nga mga buto sa armas. Nahaigking sila si Nicko sa ilang nahimutangan.

Wala madugay, nakita nila nga nanganaog ang tulo ka anino gikan sa balay ug abtik nga misibat. (Sumpayan)