Magsige’g pamakak

Dear Tita Salie

Hello! Just call me Mae, from somewhere in Cebu, 16 years of age. I need your advice. Duna ko’y boyfriend nga magsige lang og pamakak bisan masakpan na ug klaro na g’yud.

Feel nako mura’g wa’ na siya’y paki nako. Pasabta ko, Tita Salie sa maayo ko nga buhaton.

Dear Mae,

Sigun sa bibliya (Proverbio 15:22) “Mapakyas ang mga plano kun wala’y konpidensyal nga panagsultihanay, apan diha sa panon sa mga magtatambag adunay kalamposan.”

Tinuod, kun wala kamo’y komunikasyon, dili gayud magmalampuson ang inyong relasyon. Pamalandongi usa ang imong makab-ot nga hukom, nga sa imong pag-analisar, dili maguba ang usa’g-usa ninyo ka plano.

Dili man gud sayon nga wala’y tinuod nga komunikasyon kay kun makapondar na unya kamo og pamilya, ang pagkamatinud-anon maoy magpalig-on kaninyong duha.

Samtang karon sayo pa, analisaha usa pag-ayo. Kun sa imong tan-aw dili gayud makahatag o mosangpot sa maayong relasyon, nan, ikaw gayud ang modesisyon. – Tita Salie