Tilaw sa katam-is

Pagkasayod ni Arthur nga si Shane ra usa niining gabhiona sa gipuy-an niya nga kuwarto kay namauli sa probinsya ang duha niya ka kauban, gikomedyahan ni Art ang iyang girlfriend.

“Dili ka ba mahadlok nga matulog dinhi nga ikaw ra? Puwede ra tika nga ubanan sa pagkatulog,” matud ni Arthur nga miagbay ni Shane samtang miduol kini sa pultahan. Wala dayon makatingog si Shane.

Naghinam-hinam si Arthur kay basin og mosugot si Shane nga anha usab siya matulog sa gipuy-an niini nga lawak. “Dali sulod usa,” matud sa dalaga. Diha’ng nakasulod na sila, gitak-op dayon sa dalaga ang pultahan.

Giliraw ni Arthur ang iyang panan-aw. Adunay gamay’ng hawanan ug usa ka kuwarto ang gipuy-an ni Shane. “Anhi ka g’yud matulog? Sige, pero dinhi ka lang sa sala ha, ug ako adto sa kuwarto,” matud sa dalaga.

Wala motingog si Arthur. Mitupad paglingkod si Shane kang Art sa lingkoranan sa gamay’ng hawanan. Giagbayan siya sa ulitawo ug misugod dayon si Art sa pagparayeg kang Shane.

Nag-ukobay dayon ang ilang mga ngabil ug hugot kaayo ang ilang mga gakus. Tugob sila sa kamalipayon. Gihapohap ni Arthur ang kalawasan ni Shane. Sa hilom, nakagusto ang dalaga sa gihimo sa iyang boyfriend kaniya. Nakapasamot kini sa kainit sa ilang pagparayganay.

“Basin adunay manglili sa gawas no? Makit-an g’yud ta dinhi,” matud ni Shane nga mitan-aw sa pultahan. “Adto ta sa imong kuwarto Shane,” giingnan ni Art ang iyang girlfriend. (Sumpayan)