Kasal na sa lain

Dear Tita Salie,

Hello! Just call me Vince from Santander, Cebu, 23 of age. Magpatambag ko kun unsaon pag-move on human mabiktima sa akong uyab nga nangita’g lain. Gusto unta niya nga magminyo na mi apan dili pa man ko andam, akong gibalibaran. Nabalitaan na lang nako nga gikasal na siya sa lain. Sakit g’yud kaayo alang nako ang iyang gibuhat. Unsaon man ni nako nga siya pa man hangtud karon ang gisinggit sa akong kasingkasing? Palihug pasabta ko.

Good Day Vince,

Daghan pa nga babaye ang nagpaabot kanimo sa unahan alang sa imong kaugmaon. Hinumdomi nga sa atong pagkinabuhi dili tanan kadaogan ug kalipay ang atong maangkon, usahay adunay kapakyasan. Adunay panahon sa paghilak ug panahon sa pagkatawa, panahon sa pagminatay, panahon sa paglukso, panahon sa pagpangita og panahon sa pagdawat sa pagkawala. Gawas pa, ang imong uyab minyo na ug may tag-iya na siya, dili na mahimo nga bulagon pa sa tawo. Busa, Vince, kalimti na lang ang inyong relasyon sa nangagi ug maoy lantawa ug atubanga ang maayo nga kaugmaon nga gilatid sa Diyos kanimo. – Tita Salie