May gitago ang kangitngit
Samtang nag-aninaw sa palibot sila si SPO1 Nicko Bernal ug nagpaniid sa mga nanagan nga sakop sa kulto’ng Bangkulis, mibagting ang iyang cellphone sa bulsa.
Gidali niya kini sa pagkuha ug gitan-aw dayon ang screen. Nasayran ni Nicko nga si Chief Inspector Dindo Raval diay ang nanawag. Gitubag dayon ni Nicko ang ilang hepe.
“Sir, ngano nga nanawag ka man niining orasa sa kagabhion?” gisukna ni Nicko si Chief Inspector Raval.
“Hain ba kamo karon, Nicko?” sa hepe. “Nagpatrolya pa kami, Sir. Ngano diay sir?” ni Nicko nga natingala.
“Ari kamo karon dayon sa akong gipuy-an kay may nahitabo! Girakrakan sa armado nga mga tawo ang akong balay!” matud sa hepe.
Nakugang pag-ayo si Nicko sa gitaho sa ilang hepe nga girakrakan sa armado nga mga tawo ang iyang balay.
Nahinumdom si Nicko niadtong gabii nga girakrakan usab sa wala mailhi nga mga armado ang iyang pinuy-anan. Misaog kaniya ang tuman nga kabalaka.
“Pagdali kamo kun mahimo, Nicko,” nagkanayon ang hepe.
“Oo, Sir, karon dayon moanha kami,” matud ni Nicko.
Ug naputol ang panagsulti nila sa cellphone. (Sumpayan)
- Latest
