Maulaw sige’g palibre

Dear Tita Salie,

Just call me Khea, 25 years old. Ang problema nako bahin kini sa akong mama. Nia man gud ko nag-stay sa akong auntie, igsuon sa akong mama. Ang akong mama wala na man gud mohatag nako og money kay nagkalalis man sila ni auntie nga maoy akong gipuy-an karon.

Tua man gud si mama nag-work sa layo. Unsa may akong buhaton nga maulaw na man ko sa akong auntie magsige’g palibre? Palihug pasabta ko Tita.

* * *

Maayong adlaw Khea,

Matud nimo nga naa ka sa imong auntie magpuyo kay ang imong mama tua sa layo nag-work ug maulaw ka na sa imong auntie. Hasta ba diay sa imong mama maulaw ka? Ngano nga dili ka man makig-communicate niya?

Husto ka na sa edad kay 25 years old ka na man ug makahimo ka na sa pagdesisyon nga dili magsalig sa uban.

Hinuon, sa paghimo’g desisyon ayaw usab pagsalig sa imong kaugalingon. Salig sa Diyos ug ayaw nga magsalig ka lang sa kaugalingon nga pagsabot.

Sa ingon niini nga duna kay problema, sangpit sa Diyos alang sa iyang paggiya kanimo nga makadesisyon ka og maayo. – Tita Salie