Panumpa nga bakak

Wala makasabot si Jeffrey sa iyang gibati diha nga misulod na ang gimaneho niya nga Mitsubishi Strada sa Q4 Motel. Wala magtingog si Janeth ug nasabot ni Jeffrey nga wala gayud mosupak ang dalaga nga gidala niya kini didto sa mao nga lugar.

Gigiyahan sila sa usa ka roomboy ug gisinyasan nga pasudlon sa usa ka bakante nga grahe. Mainampingon nga gipasulod ni Jeffrey ang sakyanan, ug dayon gipawong ang makina.

Wala dayon sila manganaog sa sakyanan.

“Pagka suwerte nimo uy nga nadala ko nimo dinhi,” matud ni Janeth sa may pagka paraygon nga tingog. “Magpasalamat g’yud ko Neth nga wala nimo pakyasa ang imong gisaad diha’ng didto pa kita sa baybayon,” giingnan ni Jeffrey ang dalaga.

“Mao lagi. Unsaon nga makapatental ka man gud. Maayo kaayo ka nga modala’g parayeg nako didto. Kasukolon nako nimo pero mauwaw ko kay makita man ta sa akong mga barkada,” ni Janeth.

Una nga nanaog si Jeffrey sa sakyanan ug gilipot niya si Janeth didto sa iyang lingkoranan. Gibuksan ni Jeffrey ang pultahan sa passenger side. “Tana, manulod na ta kay init kaayo dinhi sa grahe,” matud ni Jeffrey. Pagsulod nila, bugnaw na daan ang lawak. Nakasabot si Jeffrey nga gipaandar na daan sa roomboy ang aircondition sa kuwarto aron nga andam na kini gamiton kun may moabot nga kustomer.

Human ikabutang ni Janeth ang gidala niya nga gamay’ng bag, gisud-ong siya pag-ayo ni Jeffrey. Ingon sa nagtubod ang laway ni Jeffrey nga nagsud-ong kang Janeth nga seksi kaayo tan-awon sa gisul-ob niya nga shortpants.

Milingkod si Jeffrey tupad ni Janeth ug gisugdan niya sa pagparayeg ang iyang girlfriend. (Sumpayan)