Siya ug ako sa kangitngit

Gula 29

Nahugno ko sa gisulti ni agaw Paulo. Akong nasuta nga dili gayud diay siya mohunong pagpahimulos sa akong pagkababaye sa pinugos nga paagi.

Mura’g wala’y kausaban ang iyang hunahuna paghimo nako nga usa ka sex slave. Igo lang siya’ng mipahulay og kadiyot human sa una’ng round. Paglabay sa pipila ka gutlo, mitapuko na usab siya nako. Mura ko’g karnero nga miduko ug nagpaawot, wala makahimo pagsukol sa tawo nga nanamastamas sa akong pagkababaye.

Gitagbaw gayud og maayo ni agaw Paulo ang iyang kahangol sa unod. Samtang iya ko’ng gikabhan, nagbuka ang akong mga mata nga nagtutok sa kisame.

May mga luha nga midagayday sa akong kaapingan.

“Kun ako pa sa imong dapit,” matud ni agaw Paulo. “Piyongon mo ang imong mga mata ug mo-concentrate sa akong gibuhat. Ganahan ug malipay ka pa.”

Apan ang gisulti ni Paulo ingon sa milapos sa pikas ko’ng dalunggan ug gianod sa kawalaan. Nagpadayon ko pagtutok sa kisame nga ingon sa nawala sa kaugalingon.

Wala g’yud ko mo-response sa gihimo ni Paulo nako.

Nahuman ang ikaduha’ng round nga si Paulo ra’y giganahan. Kay alang nako, usa ka dako’ng kalbaryo nga mahitabo sa akong kinabuhi sa matag pahimulos ni Paulo sa akong pagkababaye.

Supak kini sa akong kabubut-on. Dili siya ang akong gitagan-an sa akong pagka babaye. Giangkon niya kini sa pinugos nga paagi. (Sumpayan)