Videoke saba kaayo

Dear DJ Jacky G,

Unsaon ko man kini’ng amo’ng silingan?  Sukad nag-negosyo sila og videokehan nga hulog-hulog og ‘tag singko pesos nga paabangan, sila na man hinuon ang sige’g kanta!  Aliwaros kaayo!  Puli-puli lang na sila.  Ang mama ug papa, ila’ng mga anak, hasta mga trabahante ug katabang!  Buntag, hapon, gabii!  Kadlawon na mangundang!  Maayo unta og nindot og mga tingog, di ra ba g’yud!  Sila ra’y nalingaw. Gisuwayan na nako’g estorya. Niingon nga pahinayan kuno nila. Pero mao ra man gihapon!  Kanunay mi nga kulang sa tulog. Hasta gud ang amo’ng iro, mutago sa ilawom sa lamesa ini’g panganta nila! Makaugtas na g’yud tawon! -Belen J.

Dear Belen J,

Faet. Naka-imagine g’yud ko’s imo’ng kahimtang ron. Kalma lang ha, ayaw pag-wild diha, ayaw pangaway. Ayaw pud usa og pasaka’g kaso. Patabang usa sa barangay.  Suwayi og pakighusay sa hapsay nga paagi. Kinahanglang lingkuran ni ninyo with a mediator gikan sa inyo’ng barangay. Ang importante sa mga ingon niini mao ang pakig-estorya to get your point across without getting too emotional. Hinumdomi, tone of voice is very important. Once naa na’y magsugod og siyagit, lisud na. Wa’y mahitabong pakighusay.  Musamot na hinoon kagubot ug ang labing importante?  Usa mo makig-atubang nila, pag-ampo. Pray for patience on your part and enlightenment on their part.  Pray for peace. – DJ Jacky G