Nagmahay

Dear Tita Salie,

Good day. Tagoa lang ko sa ngalan nga Ellaine, 15, single ug anaa pa sa 3rd year high school. By the way, duna’y nanguyab nako pero nagduha-duha ko’g sugot, Tita Salie, kay wa ko’y feelings niya. Unya karon nagmahay ko nga wa dayon nako gisugot. Niundang na man siya’g panguyab nako kay may lain na man gud siya’ng gidiskartehan. Kun moteks ko niya, dili na pud siya mo-reply. Unsa may akong buhaton aron mobalik siya’g panguyab nako? Depressed na kaayo ko niya. Palihug pasabta ko. - Tita Salie.

Good day Ellaine,

Husto ang imong gibuhat nga wala dayon mosugot sa nanguyab nimo kay wa ka may feelings niya ug ang husto nga desisyon dili angay nga mahayan. Gawas pa, bata ka pa, 15 years old ka lang. Sa imong kabatan-on, makaplagan pa gayud nimo ang tinuod nga feelings kana nga nagagikan gayud sa imong kasingkasing ug dili salingkapaw.

Ang Bibliya sa PEDRO 1:22 nagaingon “Karon nga nalunsay na ninyo ang inyo’ng mga  kalag pinaagi sa inyo’ng pagkamasinugtanon sa kamatuoran uban sa dili salingkapaw nga inigsuong pagbati ingong sangpotanan nga maghigugmaay sa usa’g-usa gikan sa kasingkasing.

Busa, Ellaine, ayaw pagdalidali nga ipugos ang imong kaugalingon, buhata kanunay ang putli nga binuhatan kay sa takda nga panahon imong maangkon ang gipangandoy nimo nga katumanan. – Tita Salie