Siya ug ako sa kangitngit - Gula 2
“Ngano man diay, gaw Paulo nga nangita man ka nila’ng tatay ug nanay?” Gipangutana ko si agaw Paulo. Managsuon ang among inahan.
“May tuyo ko nila, Monica,” mubo’ng tubag ni agaw Paulo. “Mobalik na lang ko ugma. Tuod...paimna una ko’g tubig, uhaw kaayo.”
Gipasulod nako si agaw Paulo, ang akong ig-agaw nga adik. Human ko siya palingkora sa sala, miadto ko sa kusina aron magkuha’g tubig nga iyang mainom.
Pagbalik nako sa sala dala ang usa ka baso’ng tubig, gitunol ko dayon kini kang Paulo. Giyarok dayon niya ang tubig sulod sa baso.
Paghuman niya’g inom, kalit lang ko niya’ng gigakos ug gihagkan. Milugnot ko aron makalingkawas gikan sa hugot nga paggakos ni agaw Paulo kanako.
Gilainan ko sa gibuhat sa akong ig-agaw. Lustful kaayo ang iyang hinagkan.
Nakasabot ko nga may dautan siya’ng tuyo nako maong naningkamot ko’ng makabuhi gikan sa iyang mga kamot. Milugnot ko taman sa ginhawa.
Apan kusgan kaayo si agaw Paulo nga migakos nako. Dili ko makapiog sa iyang kusog. Nahisama siya sa usa ka gutom nga mananap nga milayog nako. (Sumpayan)
- Latest
