Jezebel
Gula 190
“Wa na sila sa ilang gipuy-an, Ed, ambot kun hain sila mubalhin og puyo,” gipasabot ko si Edward nga wala na nako igkita ang akong uyoan.
Nagpadayon pagdagan ang taxi nga among gisakyan. Wala madugay, nalabyan namo ang barangay hall sa Inayawan. Pag-abot namo sa unahan, gimandoan ni Edward ang drayber sa paghunong. Mihunong kini tungod sa usa ka eskena.
Nanaog dayon mi human kabayri ni Edward ang drayber sa taxi. Mibarog ko sa daplin sa dalan ug gianinaw ang palibot.
Miuna paglakaw si Edward apan iyang gigunitan ang akong kamot.
Misunod ko niya. Wala nadugay, nahiabot kami sa tugkaran sa usa ka balay. Nangatahoran si Edward. May mitubag didto sa sulod. Midiretso dayon mi’g sulod.
Gipaila dayon ko ni Edward ngadto sa iyang uyoan ug ingon man ngadto sa asawa niini. Sanglit adlaw man nga Domingo diha ang mga ig-agaw ni Edward. Gipaila ‘sab ko ni Edward kanila.
“Mao kini siya si Jezebel, ang akong giingon ninyo, Tiyo, Tiya. Ang akong gipangita nga girlfriend.” (Sumpayan)
- Latest
