Ikaw ang akong Valentina

Ning udtoha, nahibulong si Joy nga gipahatod man ni Lito sa  sulod sa iyang lawak ang paniudto niini nga gibutang  sa usa ka tray. Si Lito mao ang kamanghurang anak sa   negosyanteng magtiayon dinhi sa siyudad nga gialagaran ni Joy isip katabang sa mansyon. Usa ka civil engineer si Lito nga sa edad nga 29 na, apan nagpabiling ulitawo bisan sa kadaghan na niini og mga propesyonal nga uyab.

“Sir Lito, nia na ang imong paniudto....!” ni Joy nga mipahiluna ibabaw sa lamesa sa tray nga gibutangan sa pagkaon.  Mitindog ang ulitawong engineer ug gi-locked ang pultahan sa lawak. Nahibulong si Joy.

“Gusto kong magsultihanay una ta, Joy...!”

“Unsa may atong panagsultihan, Sir Lit...?”

“Di ba Valentine’s Day man ron, Joy...?”

“Bitaw, Sir Lit! Hibulong bitaw ko nga wa ka makigdeyt sa imong mga uyab ug imong gipabalibaran nako ang ilang mga tawag sa telepono nga out-of-town ka....!”

“Lingkod una sa kilid sa kama, Joy....!” ni Lito nga mibira sa bukton sa katabang. Misamot ang kahibulong ni Joy. Hugot nga mitutok kaniya si Lito.

“Ning adlaw sa gugma, Joy, gusto ko nga ikaw ang akong Valentina...!”

“H-ha! Hala ka diha, Sir Lit, uy! Katabang ra ko ninyo, Sir, uy...!”

Di ba 18 anyos na ka, Joy...?”

“Sa miaging semana, nag-debu ko, Sir Lit...!”

“Sulod sa lima ka tuig na nga nahimo ka nga among katabang uban nilang daddy ug mommy, hilom kong gitan-ogan ang morena mong katahom ug kaporma sa imong lawas, Joy, kay 13 anyos pa man ka sa pagsugod mo’g serbisyo nga katabang sa among mansyon! Karon, natugkad ko, Joy, nga naa nimo ang hiyas sa babaye nga dugay ko nang gipangita! Hinog na ka, Joy, sa pagkakaron! Ikaw diay ang gipangita kong Valentina nga angay kong higugmaon ug pakaslan....!” kalit nga gigakos ni Lito ang dalagang suloguon nga nakalitan ug wa makalihok, dihang giukoban sa paghalok sa agalong ulitawong engineer ang mga ngabil niini. “I love you, Joy!  Ikaw ang akong Valentina....!”

“Si-Sir Lit! S-Sir....!” nag-agumod si Joy nga daw wa makasabot sa iyang gibati. Ug mao na lamay iyang nabatyagan nga bakikaw siyang mibalos sa pagpakiglips-to-lips kang Lito. Giganahan ang sulugoong babaye nga nakatilaw og unang halok sa usa ka lalake.

Kinsa bang sulugoon nga makabalibad sa guwapong ulitawong agalon nga nahigugma diay kaniya, nga sa tinud-anay lang sab, hilom na niyang gihigugma gikan pa sa pagsugod na niyang pagkadalaga. Mimarka’g bahala si Joy! Bahala na’g mapusgay ang birhen niyang kaputli niadtong orasa, atol sa kasaulogan sa Valentine’s Day...! (Kataposan)