Dili na makigdulog

Dear Tita Salie,

Just call me Jelai, dili pa kasado apan duna ko’y live-in partner nga maoy nakahatag nako og problema.

Duna’y trabaho ang akong bana ug may nadunggan ko nga duna siya’y ka iring-iring sa iyang gitrabahoan. Wala lang una nako siya gi-confront ug naniid lang ko niya. Nakabantay ko nga nausab siya nako Tita, kay dili na man siya makigdulog nako sa kagabhion. Mura’g wala na siya ganahi sa among pagpuyo. Eight years na kami’ng nagtipon ug wala g’yud siya’y plano nga pakaslan ko. Wala na g’yud ko kasabot ug wala ko masayod kun unsay akong buhaton. Palihog pasabta ko, Tita Salie.

* * *

Dear Jelai,

Ayaw unta tuohi ang estorya mahitungod sa imong partner nga duna siya’y ka-iring-iring tungod lang kay dili na siya makigdulog nimo. Kasagaran sa akong nadunggan, ang magtiayon kun magkadugay ang ilang pagpuyo magkaanam usab og kawagtang ang ilang gana sa usa’g-usa. Matud pa sa uban nga mora na lang kuno og igsuon ang ilang mga partners.  Ngano’ng ingon man niini ang kasagarang nahitabo kanila ug sa ilang kaminyoon? Ang uban miingon nga gipul-an na sa ilang mga partner tungod kay nawagtang na usab ang gugma. Mahitabo g’yud kini sa married life tungod kay sama sa bag-o pa nga mura’g senina nga bag-o pa, nindot kaayo isul-ob kanunay, apan dihang madaan na, dili na panumbalingon ug kapoyan na kita molaba. Atong giuran-uran ang atong kaminyoon ug wala ta mangita og paagi aron ma-preserve kanunay.

Tungod sa problema sa magtiayon, problema sa trabaho, atong gisakripisyo ang married life. Wala nato hatagi og special nga panahon ang atong kaminyoon ug ato kini’ng gitipon sa mga problema nga sulbaronon.

Try to make your partnership as your strength to solve your problems. Plan for something new sa inyo’ng partnership. Plan for wedding, sultihi siya niini, and be creative always aron dili mo ma-bored. - Tita Salie