Ang Valentino ko’ng kimpang

Sa tanang nanguyab nako’ng lalake nga parehas nga may desenteng trabaho, si Joseph maoy gipili ko nga tugyanan sa akong gugma. Hilabihan ang akong gugma kaniya.

Ang mga kauban kong babaye nga nagtrabaho sa dakong call center dinhi sa siyudad sa Sugbo, hilabihan gyung iknata sa kilay, ngano nga si Joseph  maoy akong nahimong boyfriend ug gipili ko nga  akong Valentino ning kasaulogan sa Valentine’s Day.

Si Joseph nga kauban sab nako nga usa ka call center agent, usa man gud ka kimpang nga lalake.Ang iyang pagka-kimpang, dili biktima sa sakit nga polio sa gamay pa siyang bata, kon dili, napungkol gyud ang tuo niyang tiil.

Gituyo sa pagputol sa doktor ang tuo niyang tiil kutob sa paa ug maggamit na lang siya og duna ka iskratses nga stinles sa paglakaw. Nadisgrasya si Joseph sa serbis niyang motorsiklo ug maayong pagkabuak sa bukog sa iyang tuo nga tiil ibabaw sa sa iyang tuhod.

Aron dili makangrina ug saw-on sa kanser, maoy tambag sa mga doktor nga putlon na lang gyud ang tuo niyang tiil kutob sa iyang paa.  Mao nga tawgon na siya  nga Joseph Kimpang sa call center nga among gitrabahoan. Sama nako, si Joseph usa sab ka customer service representative sa call center nga among gitrabahoan.  Kaubanan kong mga babayeng call center agent mibugnaw nako sa pagpakigrelasyon ko kang Joseph.

“Hay kanimo, Leslie! Kimpang gyud ang gipili mong Valentino!”

“Kadaghang guwapo ug way depektos lawas nga nanguyab nimo, ang kimpang man gyud ang natripan nimo...!” “Nag-antos man ka’s kimpang nga uyab, Leslie...!”

Gipahiyoman ko lang ang tanan kong kaubang call center agent nga mitamay kang Joseph. Unsaon, nga love ko man gyud si Joseph nga katalirungan nako sa edad nga 25 sa among dapit sa Cabadiangan, sa lungsod sa Liloan. Very loving, caring ug very romantic si Joseph nako, bisan siya kimpang.

Ug ning kasaulogan karon sa Valentine’s Day, nga parehas ming day-off sa call center nga gitrabahoan, hingpit ko na usab nga gitugyan ang akong kaugalingon sa Valentino kong kimpang,  sulod sa motel nga among gitsek-inan.

“Salamat sa imong gugma nako, Leslie...!” “Kimpang man tuod ka, Jos, apan ganahan gyud ko nimong makigromansa!”

“Mao ba, Les....?”

“Yunik ang atong romansa, Jos! Kay inigsugod sa atong romansa, mora tag magdula og bagul....!” “I love you, Les! You’re my valentine....!”

“I love you too, Jos! Ikaw ang akong Valentino hangtud sa kahangtoran!”

“Unya, mura na sab mig nagdulag bagul si Joseph, dihang nagsugod na mi og romansa ibabaw sa kama, atol sa adlaw sa gugma. (Kataposan)