Jezebel - Gula 177
Naglagot ko sa gisulti ni Red nga pareho mi nga nalipay. Lipay sa iyang kagaral?
Kun dili pa lang tungod kay nahadlok ko sa iyang bahad nga ibulgar ngadto ni Mrs. Elvira Lim ang relasyon namo ni James, dili gayod mahitabo nga makatilaw nako. Wala g’yud ko malipay sa iyang gibuhat kanako.
“Subra na ang pagpahimulos mo sa higayon, Red,” giingnan ko siya. “Dili na kini makiangayon. Usa na ka matang sa pagpangabuso ang imong gibuhat nako.”
“Nan, unsa man ang gusto mo’ng mahitabo?” Gipangutana ko niya. “Gusto ko nga dili ka na magsamok nako,” ako siya’ng giingnan.
“Karon na hinuon nga makadaghan na nako maangkon ang imong pagka babaye? Gikasubo ko, Jezebel. Samtang mopabor pa kanako ang kahigayonan, magpadayon ta sa atong gihimo. Kun magdumili ka, nasayod ka na kun unsay akong buhaton.”
Wala na ko motubay sa pagpakigsulti kang Red. Akong nasuta nga wala siya madutli sa akong hangyo. Migawas na lang ko sa iyang lawak nga huyhoy ang mga abaga.
Mibalik ko sa akong kuwarto sa servants quarter aron makapahulay na. Nagpadayon gayud si Red sa pagpahimulos sa akong pagka babaye.
Matag gabii, moadto ko sa iyang lawak sa grahe. Didto pahimuslan ko niya’g maayo. (Sumpayan)
- Latest
